Tirana mund Apoloninë, Cyme Lulaj tripletë AAS-së

Dy skuadrat kryeqytetase të futbollit të femrave kishin rezervuar takimet e tyre në të njëjtën ditë, ndeshje të luajtura në QKS në Kamëz. Fillimisht u luajt takimi mes Tiranës dhe Apolonisë. Tirana e dominoi ndeshjen nga fillimi, teksa ka dalë te goli shumë shpejt. Është Kodra, autore e golit që në minutën e tretë. Një depërtim i bukur në zonë dhe gjuajtja e saj drejt portieres fierake, Mullai, ka përfunduar në rrjetë. Nuk vonon dhe pas 9 minutash ka ardhur dhe goli i dytë me anë të Sara Begallos, e cila është e shkëlqyer me atë supergol, duke dyfishuar shifrat në 2-0. Kaq ka mjaftuar për vajzat bardheblu, të cilat drejtohen nga Namik Dangjia, i cili e ka marrë ekipin në vendin e parafundit dhe tashmë vetëm gjatë prezencës së tij, skuadra ka ngjitur 7 pozicione dhe tashmë është 4 skuadrat më të mira. E veçanta e këtij takimi ishte aktivizimi, në pjesën e dytë të legjendës së Tiranës, Anela Vishkullit, e futur në lojë në minutën e 69të, duke zëvendësuar Lebën. Kjo futbolliste ka kryer dënimin dyvjeçar dhe tashmë është riaktivizuar përsëri në ekipin bardheblu. Ndërsa, Bora Fuçia ka përjetuar një ditë të bukur, pasi ka festuar ditëlindjen me shoqet edhe pse nuk u aktivizua në lojë. Në takimin tjetër ndërmjet Kinostudios dhe AAS të Shkodrës, skuadra që drejtohet nga Gëzim Gjonpalaj ka kryer detyrën, duke e mundur thellësisht 5-1. Lojtarja nga Gjakova

dhe një ndër golashënueset më të mira të kampionatit, në vazhdim Cyme Lulaj ka shënuar tripletë. Golat e tjerë për Kinostudion u shënuan nga Delma Muça, një talente e re që po shfaqet në këtë skuadër dhe Tabaku. Ndërsa, për mikeshat shkodrane ka menduar Digli.