Zidan: Meritonim më shumë në derbi, nuk jemi favoritët për Champions-in

Trajneri: Oblak dhe Krizman super, por janë të Atletikos

Zinedin Zidan nuk e pranon që skuadra e tij të konsiderohet favorite për Ligën e Kampionëve, pasi diçka e tillë mund ta pengojë në këto ndeshje shumë vendimtare të sezonit. Ai tha se në derbi Reali meritonte më shumë dhe u thuri elozhe kundërshtarëve Grizman e Oblak. Ndeshja- "Jam i kënaqur nga mënyra si luajtëm, por meritonim më shumë. Më vjen keq sepse humbëm shumë raste. Mund të shënonim edhe në fund, por i tillë është futbolli. Pas golit që shënuam, patëm

10 minuta të vështira dhe na shënuan". Ronaldo- "U zëvendësua sepse kemi shumë ndeshje dhe kaq. Ndonjëherë duhet të zëvendësohet kur ka mundësi të pushojë".

Mbrojtja- "Duhet të shohim

nëse do të rikuperohet Vajeho, sepse nuk donim ta rrezikonim. Kur një lojtar ka shqetësime nuk duhet ta rrezikojmë, por ndoshta mund të jetë. Më vonë do të mendojmë për alternativat". Favoritët- "Nuk më

pëlqen aspak kur Realin e quajnë skuadrën favorite për në Ligën e Kampionëve. E gjithë bota mendon se e kemi fituar, por ne nuk duhet ta bëjmë. Madje, nuk duhet të mendojmë që jemi gjysmëfinalistë. E gjithë bota do ta bëjë këtë, por skuadra ime duhet të jetë e qetë. Luajmë të gjithë sezonin në këto ndeshje". Grizman- "Jam i kënaqur për të, por jo shumë në respekt të skuadrës sime. Ai na shënoi një gol dhe unë nuk jam trajneri i tij. Shënon shumë dhe është mirë për kombëtaren dhe për ekipin e tij. Jo për mua".

Oblak- "Është portier shumë i mirë, por jo i imi. Është shumë i mirë dhe këtë e tregon në çdo ndeshje, në çdo moment".