Skandali, dhunohet Rexhinaldo i Laçit
Nga mbledhja me tone të larta te kallëzimi në Komisariatin numër 5, ja prapaskenat
Dhunë ndaj sulmuesit të Laçit, Arturo Rexhinaldo. Ngjarja ka ndodhur në drekën e djeshme, kur lojtari nga Mozambiku kishte shkuar në kompleksin e Kamzës për t'u stërvitur si zakonisht me skuadrën kurbinase. Dëshmitarë të sulmit barbar ndaj Rexhinaldos treguan për "Panorama Sport" se sulmuesi është parë në rrugë, duke...
Dhunë ndaj sulmues it të Laçit, Arturo Rexhinaldo. Ngjarja ka ndodhur në drekën e djeshme, kur lojtari nga Mozambiku kishte shkuar në kompleksin e Kamzës për t'u stërvitur si zakonisht me skuadrën kurbinase. Dëshmitarë të sulmit barbar ndaj Rexhinaldos treguan për "Panorama Sport" se sulmuesi është parë në rrugë, duke vrapuar i gjakosur në pjesën e fytyrës. I shoqëruar nga partnerja, futbollisti 27-vjeçar u largua i tronditur nga kompleksi stërvitor, duke kërkuar ndihmë. Gjatë orëve të pasdites, Rexhinaldo ka vendosur të bëjë zyrtarisht edhe një kallëzim në Komisariatin numër 5 në Tiranë. Mësohet se fillimisht sulmuesi ka treguar në polici se është dhunuar nga një person, ndërsa më pas ka ndryshuar versionin e ngjarjes. I tronditur pas dhunës së ushtruar, sulmuesi i Kombëtares së Mozambikut, nuk ka dashur të japë sqarime për gazetën. Pasi u pyet për atë që kishte ndodhur, Rexhinaldo shkurtimisht deklaroi se e kishte të pamundur të jepte sqarime: "Për këtë çështje nuk mund të flas tani, nuk mund të jap asnjë sqarim. Ju lutem më mirëkuptoni...". Ndërkohë, mbetet për t'u parë nëse policia do të zbardhë ngjarjen, duke zbuluar edhe autorët e sulmit të dhunshëm të lojtarit mozambikas, i cili u bë i njohur në Shqipëri gjatë sezonit të kaluar te Luftëtari.
MBLEDHJA - Burime në klubin e Laçit i thanë dje gazetës se drejtuesit në prani të stafit teknik dhe futbollistëve kanë zhvilluar një analizë pas
humbjes me Partizanin. I pranishëm ka qenë edhe presidenti Pashka Laska. Mësohet se gjatë mbledhjes ka pasur tone të larta dhe debate mes drejtuesve, trajnerit dhe lojtarëve. Fillimisht ka qenë trajneri Mezani, i cili kërkoi opinione nga lojtarët për paraqitjen e dobët. "Rexhinaldo,
na thuaj diçka për ecurinë e ekipit", i është drejtuar Mezani sulmuesit. Por, ky i fundit nuk ka folur. Ndërkaq, ka ndërhyrë presidenti Laskaj. "Rexhinaldo fol...". Sërish mësohet se lojtari nuk ka reaguar dhe presidenti e ka urdhëruar të dalë jashtë mbledhjes.