Shqipëria fiton dhe i largohet fundit
Luçie Gjini, protagonistja, që vendosi fatin e fitores me një supergol shënuar brenda zonës
Fitore në frymën e fun dit për vajzat e Ko mbëtares shqiptare, teksa kanë fituar minimalisht 1 me 0 me golin e Luçie Gjinit në minutën e 88- të. Një ndeshje e dominuar nga vajzat tona, por që shpërblehen vetëm në minutat e fundit, duke parakaluar kështu në klasifikim Bjellorusinë. Kështu, pas barazimit në Poloni vijnë edhe tri pikët e para në këto eliminatore të Botërorit.
CEREMONIA - Përpara nisjes së sfidës, FSHF-ja i rezervoi një ceremoni lamtumire nga futbolli ish-kapitenes së Kombëtares, Aurora Seranaj, e cila është aktivizuar 32 ndeshje me përfaqësuesen dhe ka shënuar tre gola. Ishkapitenes iu dhurua një pllakatë mirënjohjeje për atë që ka dhënë për futbollin e femrave në Kombëtaren shqiptare.
PJESA E PARË - Ndeshja nis e qetë nga të dyja ekipet që mundohen më shumë të qarkullojnë topin dhe të mos shtyjnë përpara. Minutat kalojnë dhe ndeshja zhvillohet pa emocione sepse skuadrat në fushë janë apatike dhe pa qartësi në fazën sulmuese. Loja bëhet e mërzitshme për minuta të tëra, teksa nuk shënjestrohet asnjë gjuajtje në portë për afro gjysmë ore lojë. Mundohen vajzat tona të shfaqen rrezikshëm me goditje standarde, por skemat kuptohen nga vajzat mike. Gjuajtja e parë drejt portës do të regjistrohej në minutën e 39-të me anë të Doçit, por pret pa probleme portierja mike. Gjithsesi, pjesa e parë mbyllet pa emocione dhe pa ritëm, me ekipet që ishin të pafuqishme të shtynin përpara.
PJESA E DYTË - Fraksioni i dytë i lojës nis me një tjetër ritëm, me skuadrat që shtyjnë shumë përpara dhe shfaqen rrezikshëm që në fillim. Të
parat rrezikojnë miqtë që në sekondat e para me anë të Slesarçik, por goditja në zonë përfundon jashtë. Doçi nga goditja e dënimit harkon në zonë, prek pak me kokë Maksuti, por sfera godet shtyllën. Sfida bëhet interesante, pasi skuadrat mendojnë më shumë për sulmin dhe nuk mungojnë tentativat në portë, me Zanin që shpëton portën nga një goditje jashtë zone. Provojnë dhe vajzat tona në
krahun tjetër, por pa sukses. Shqipëria dominon, por goditja me kokë e Bajraktarit godet shtyllën dhe përfundon jashtë, duke u mohuar golin. Të pafata! Por, në të 88-ën, Doçi bën një skemë nga këndi, kroson në zonë dhe pas një rrëmuje, Luçie Gjini godet fort në zonë dhe 1 me 0. Nuk ka më kohë dhe vajzat shqiptare i gëzohen fitores së parë në këto eliminatore, duke lënë edhe vendin e fundit në klasifikim.