Gladiatori De Rosi: Di Françesko bëri një mrekulli
Naingolan: Gëzim i dyfishtë sepse na quajnë humbës
Në ditën e përm bysjes historike të Romës me Barcelonën, Daniele De Rosi nuk e humbet kthjelltësinë. "Ishte një triumf, edhe pse jemi ende një gjysmëfinale. Por për dimensionet e klubit të Romës dhe historisë tonë është diçka e pabesueshme. Por tani nuk duhet të mendojmë se kemi bërë një mrekulli. Përkundrazi, duhet të vazhdojmë që të luajmë në këtë kompeticion për t'i shkuar deri në fund", tha mesfushori i italianëve.
SHPRESA
Në Itali dhe në Spanjë skuadrës së Di Françeskos dukej sikur i ishte bërë një kirurgji totale. Ajo e një jave më parë në Barcelonë dhe kjo e mbrëmshmja në "Olimpiko" nuk kishin asgjë të ngjashme veç fanellave të futbollistëve. Sepse në fushë u shpalos një tjetër skuadër, një tjetër lojë, një tjetër agresivitet. "Ndeshja e vajtjes, pavarësisht rezultatit, na kishte bërë që të kuptonim se mes nesh dhe atyre nuk kishte një distancë të madhe dhe pakëz besim e kishim në ndeshjen e kthimit. Atë pak më shumë që duhej e vendosi trajneri, i cili shkartisi formacionin në harkun e vetëm tri ditëve".
GË IMI - De Rosi, i cili festoi 57 ndeshje në Ligën e Kampioneve, duke barazuar rekordin e legjendës Françesko Toti, tani pritet që të bëhet ai rekordmeni i prezencave në Europë për verdhekuqtë: "Jam i gëzuar edhe për veten. Sepse jam 34 vjeç dhe kam shënuar një arritje të madhe, por edhe për të rinjtë që mbajnë veshur këtë fanellë që nuk është pak. Është një nga gëzimet më të bukura që prej kur jam këtu".
NAINGOLAN - Ndërsa luftëtari Naingolan mendon
se suksesi ndaj Barcelonës ka një shije të dyfishtë: "Gëzimi është dopio për shkak se na etiketojnë shpesh si humbës. Finalja e Kievit[ Të jemi modestë dhe punojmë kokulur, por të ëndërrosh nuk të bën keq", tha mesfushori belg.