Hames dhe Roben: Duam Champions-in me Bajernin
“Ata do të luajnë shansin e fundit, asgjë s'ka mbaruar”
ames Rodrigez ka folur për mikro fonat e "Byerntv" vetëm pak minuta pasi përfundoi stërvitjen me skuadrën e tij në prag të ndeshjes së sotme kundër Sevijës. Ai së bashku me Arjen Roben ishin lojtarët e vetëm që u përzgjodhën nga klubi për të dhënë deklarata në lidhje me ndeshjen. Në fakt, vetëm holandezi ishte përkrah Hejnkesit në sallën e konferencave. Kolumbiani, që ishte lojtari më i mirë në ndeshjen e fundit në Augsburg duke ndihmuar skuadrën të merrte një trepikësh që i siguroi matematikisht titullin, deklaroi: "Mendoj që kemi shanse reale për të fituar trofeun në fund. Ka shumë skuadra të forta që luajnë një futboll të mirë, ashtu si ne. Të gjithë në skuadër e duan këtë trofe, po ashtu edhe unë. Por duhet t'i marrim ndeshjet me radhë. Do ta fillojmë që nga ndeshja e sotme ndaj Sevijës, e më pas te tjetra në rast se kualifikohemi për në gjysmëfinale. Duhet ta nisim ndeshjen me intensitet të latë, 100% të fokusuar. Të luajmë një futboll të bukur kundër një kundërshtari shumë agresiv dhe të vështirë", përfundoi Hames. Ndërkohë, Arjen Roben ishte lojtari i radhës i pyetur për takimin e sotëm kundër spanjollëve. Lojtari ishte i qeshur si përherë dhe në humor të mirë. Ai sapo kishte përfunduar stërvitjen e fundit me skuadrën në prag të ndeshjes së kthimit ndaj skuadrës së Montelaës. Pyetjes se si e parashikon ndeshjen e kthimit ndaj spanjollëve, ai iu përgjigj: "Nesër duhet të zhvillojmë një ndeshje të mirë. Jemi gati për të bërë një hap të rëndësishëm. Muaji prill do të jetë interesant. Fitorja 1-2 në transfertën është diçka fantastike. Por asgjë nuk ka mbaruar, prandaj duhet të futemi të fokusuar dhe të bëjmë një paraqitje prej një skuadre të madhe. Ata do të luajnë shansin e fundit, prandaj duhet të jemi të përgatitur për çdo situatë. Sigurisht që ka presion, por unë e dua këtë lloj presioni, më jep fuqi për të luftuar dhe kjo më motivon. Në qoftë se duam t'i shkojmë në fund Championsit, duhet të rritemi akoma si skuadër. Na mungojnë disa detaje që duhet t'i përmirësojmë". Nuk kishte si t'i shpëtonte pyetjes për rinovimin e
pritshëm me skuadrën bavareze, ndaj Roben shtoi: "Besoj që kam folur qartë për këtë temë. I përket klubit të veprojë tani. Për momentin nuk ka asgjë të re për sa i përket
rinovimit tim", përfundoi holandezi, që më pas ia la fjalën trajnerit Jup Hejnkes, i cili ishte duke e pritur të startonte intervistën e tij në praninë e gazetarëve.