10 arsyet e dështimit të Barçës
1. Largimi i Nejmarit ishte një humbje e madhe për sulmin e skuadrës së Barcelonës. Ai nuk u zëvendësua ashtu siç duhet në merkaton e verës.
2. Merkato nuk ishte në nivelin e duhur në verë. U kërkuan lojtarë si Kutinjo, Inigo Martinez, Ander Herrera dhe Di Maria. Por, nuk u transferua asnjëri në Spanjë. Barça ishte e shokuar nga largimi i Nejmarit.
3. Strategjia e gabuar në merkaton e janarit dhe mundësia për të riparuar gabimet u shpërdorua. U ble një lojtar si Kutinjo që nuk mund të luante dot në Ligën e Kampioneve dhe një si Mina, që nuk ka luajtur ende në Europë.
4. Ernesto Valverde nuk diti t'i menaxhonte yjet e skuadrës së tij si Mesi, Suarez, Iniesta, Rakitiç, Buskets, Pike dhe Alba. Ata shpenzuan shumë energji dhe vinin të lodhur.
5. Leo Mesi është i vetmuar. Ai ka qenë vendimtar në këtë sezon dhe ka shënuar shumë gola, por problemi është që nuk po ndihmohej sa duhet nga të tjerët në Ligën e Kampioneve.
6. Afrimet e Barcelonës ishin pa peshë. Dembele rezultoi dështim, Paulinjo ishte i zhdukur deri në janar, Semedo zëvendësues etj... Kutinjo s'luante dot në Europë.
7. Stoli i Barcelonës është shumë i varfër në krahasim me Realin. Valverde ka në dispozicion lojtarë si Andre Gomesh, Alkaser, Denis Suarez, Vermalen dhe Mina. Asnjëri nuk mund të ndryshojë ndeshjet.
8. Barcelona nuk mësoi nga gabimet e bëra deri tani në Champions. Humbi me PSG-në vitin e kaluar dhe me Juventusin gjithashtu. Eksperienca duhet të shërbente.
9. Shumë lojtarë në skuadër kanë një ulje të rendimentit në kohët e fundit si Umtiti dhe Paulinjo. 10. Në këtë ekip nuk bëhet autokritikë. Edhe atëherë kur luajnë keq, si në rastin me Sevijën, të gjithë thanë se luajtën mirë.