Shqipëria sfidon Italinë, Mustedanagiç shpall listën

Kombëtarja U-16 e drejtuar nga trajneri Xhemal Mustedanagiç do të jetë pjesëmarrëse në turneun miqësor të organizuar nga institucioni europian i futbollit, "UEFA Development", për 16-vjeçarët. Ky turne do të zhvillohet në datat 1924 prill 2018 në San Marino, ku pjesëmarrëse do të jetë grupmosha e këtij vendi, Shqipëria, Italia dhe Armenia. Trajneri i Kombëtares U17, i cili drejton edhe këtë përfaqësuese, në një dalje të tijën përpara mediave ka bërë publike axhendën e grumbullimit, si dhe listën e futbollistëve që do të ketë në dispozicion. "Kjo është një moshë delikate dhe ka përherë ndryshime, ndaj unë jam munduar që në këtë grumbullim të bëj një ndarje të barabartë të futbollistëve nga Shqipëria dhe atyre nga jashtë. Janë një brez i mirë që premtojnë jo pak për të ardhmen. Ky turne do të jetë një test për ecurinë e kësaj grupmoshe për t'u bërë pjesë më pas në përfaqësuesen U-17. Do të shikoj futbollistët që janë më mirë dhe do të largohen ata që nuk kanë formën e duhur. Sigurisht që nuk përjashtoj ndonjë afrim të ri nëse dikush do të performojë në nivelin e duhur. Vitet e fundit, niveli i futbollit në Shqipëri ka ardhur në rritje dhe kjo tregohet edhe nga pjesëmarrja e futbollistëve në ekipet kombëtare",

deklaroi ndër të tjera Mustedanagiç, i cili shtoi se është duke punuar paralelisht me kualifikueset e radhës që do të ketë U-17: "Duke ndjekur elementët e nevojshëm që do të jenë në ekip, por edhe duke studiuar

kundërshtarët. Grumbullimi i skuadrës U-16 (datëlindja 2002) ka nisur dje në Durrës në resorin "Tropikal", ku lojtarët do të përgatiten deri në datën 19, kur do të nisen drejt San Marinos.