Krisje e brendshme në gju, Xhaka mbyll vitin
Klubi i uron rikthim të shpejtë, gati në mes të muajit korrik
ezon i mallkuar për legjionarët. Pas Amir Abrashit që iu desh të kryente ndërhyrje kirurgjikale në gju apo Burim Kukelit që është prej javësh jashtë për dëmtim të ngjashëm, i shtohet listës edhe mesfushori i Bazelit. Taulant Xhaka, në përballjen e fundit ndaj Zyrihut, ka lënë fushën e lojës me barelë dhe mbi të gjitha mes lotësh. Duke njohur temperamentin e tij në fushën e lojës, duhet shumë që futbollisti i Kombëtares të dalë duke qarë, por dhimbjet kanë qenë vërtet të forta.
DËMTIMI - Ka qenë faqja zyrtare e klubit të Bazelit që ka sqaruar dëmtimin. Bëhet fjalë për krisje të brendshme në gju. Një dëmtim që, sipas klubit, kërkon një periudhë të pacaktuar kohore për rikuperim. "Nuk dihet ende sak- tësisht se sa gjatë do të mungojë. I urojmë rikthim të shpejtë", ka shkruar skuadra helvete në sajtin zyrtar.
MUNGESA - Kanë qenë mediat zvicerane që janë munduar të hedhin dritë mbi shkallën e dëmtimit, si dhe mbi periudhën e mungesës që do t'i duhet shqiptarit të mos jetë pranë Bazelit deri në një rikuperim të plotë. "Dëmtimi është i rëndë dhe kjo konfirmohet edhe nga dalja e tij nga fusha mes lotësh. Do të duhet që të mungojë disa muaj. Rikthimi? Bazel duhet të bëhet gati që
të llogarisë shqiptarin, në rastin më të mirë, për përgatitjet e edicionit të ardhshëm në Kupat e Europës", ka shkruar zvicerania "Blick.ch". Mbetet për t'u parë se çfarë mënyre do të zgjedhin mjekët për të rikuperuar dëmtimin e shqiptarit dhe nëse do të jetë e nevojshme një ndërhyrje kirurgjikale apo jo. Dëmtimi i Xhakës është mungesë e rëndësishme për Bazelin në finalen e sezonit, por edhe për trajnerin Panuçi në grumbullimin e radhës që do të ketë në fund të muajit maj.