Mban tri rekordet e para, në Europë lufton me veten
Kristiano Ronaldo, me penalltinë e shndërruar në gol në minutat shtesë të Real-Juve, që solli eliminimin dramatik të "Zonjës së Vjetër" (që po fitonte 0-3 në "Bernabeu"), i ka shtuar një tjetër rekord koleksionit të tij. Për portugezin, rrjeta që nxori nga kompeticioni bardhezinjtë, ishte i 15-ti në sezonin 2017-'18 të turneut: numri i tretë më i madh për një lojtar brenda një viti futbollistik. Dhe, jo për surprizë, dy rekordet mbahen nga vetë CR7.
DY FINALE NDAJ ATLETIKOS - Ronaldo shënoi 16 gola në sezonin 2015-'16, kur Reali u shpall fitues i kompeticionet, pasi mposhti në finale (nga 11-metrat) rivalët lokalë të Atletikos së Madridit. Shifër që kalohet vetëm nga 17 golat e regjistruar nga "ylli" i "Los Blancos" dhe i Portugalisë (2 gola në miqësoren e fundit të luajtur me përfaqësuesen luzitane) në sezonin 2013'14, kur Reali fitoi trofeun "me veshët e mëdha", pasi mposhtën sërish Atletikon në finalen e Lisbonës.
E VIJON - Me mundësinë për të shënuar së paku tre gola të tjerë në ndeshjet e mbetura të kompeticionit për këtë sezon, gjithmonë nëse Reali do arrinte në finale, Ronaldo mund të regjistrojë një tjetër primat: pavarësisht se në moshën 33-vjeçare, vazhdon të shënojë me një ritëm të jashtëzakonshëm, me 41 rrjeta në 38 ndeshje të arritura këtë sezon. Ka shënuar së paku një gol në secilën prej ndeshjeve të Ligës së Kampionëve për këtë vit dhe në çdo ndeshje ka luajtur në çdo kompeticion prej 10 shkurtit. Shumë pak prej golave të shënuar kanë qenë më dramatikë se ky, megjithatë rrjeta nga 11-metrat dhe "Bernabeu" shkoi në delir.