Robbery, rinovimi deri në 2019-ën
eteranët të kënaqur edhe me kushtet e reja të kontratës së re, duke pranuar ulje page
Një lajm shumë i gë zueshëm vjen për të gjithë tifozët e Bajernit. Pas kualifikimit në gjysmëfinale të Championsit, tani duket se ka ardhur koha e rinovimit për dy ikonat e skuadrës. Arjen Roben dhe Frank Riberi do të jenë me shumë mundësi pjesë e skuadrës edhe për një sezon. Pas shumë muajsh zvarritjeje nga drejtuesit e klubit, duket se ata janë bindur për të nënshkruar përsëri me dyshen "Robbery". Një rol të rëndësishëm luajti edhe trajneri Hejnkes, që ishte gjithmonë në mbështetje të lojtarëve. Hejnkes shumë herë shprehu dëshirën e tij për të mbajtur në skuadër veteranët që kanë kontribuar shumë për skuadrën. Ndonëse ishte disi i vështirë menaxhimi në disa faza të kampionatit, pasi lojtarët gëzojnë një ego të madhe dhe shumë herë pritja i bënte nervozë. Frank Roberi - Erdhi te Bajerni në vitin 2007 nga Marseja për shumën e 30 milionë eurove, ku kishte luajtur për dy sezone. Falë shpejtësisë së tij dhe teknikës së lartë, Uli Hënes e kërkoi me ngulm francezin që ka zhvilluar deri tani 380 ndeshje me bavarezët dhe ka shënuar 117 gola. Riberi ka fituar 8 tituj kampion, pesë herë Kupën e Gjermanisë dhe një herë Champions-in. Arjen Roben - Erdhi nga Reali në vitin 2009 dhe që atëherë është bërë një nga lojtarët më të rëndësishëm të klubit gjerman. 35- vjeçari ishte heroi në sezonin e tripletës në vitin 2013, kur shënoi golin e fitores ndaj Borusias së Dortmundit në triumfin 21. Holandezi pritet të firmosë gjithashtu deri në 2019- ën. Edhe pse asgjë zyrtare, thuhet se lojtarët kanë pranuar një kontratë të re, ndryshe nga ajo e mëparshmja duke pranuar reduktimin e pagës dhe stolin më shpesh. Veteranët kërkojnë të mbyllin karrierën në Mynih dhe do të luftojnë për të fituar Champions-in për herë të fundit me klubin bavarez në sezonin aktual.