Skënderbeu, miliona dhe frikë
Paralajmërimi i KAS në komunikatën e djeshme: Raportet e sistemit BFDS janë të vlefshme
ga milionat te frika për një lënie në fuqi të vendimit të UEFA-s me përjashtimin 10vjeçar nga kompeticionet europiane. Skënderbeu mori dje një lajm të mirë nga KAS-i Lozanës, por mes rreshtave në vendimin e argumentuar, ishte një paragraf që trondit jo pak klubin korçar për atë që mund ta presë në të ardhmen. Gjykata e Arbitrazhit Sportiv, ndër të tjera citonte: "Paneli i KAS arriti në konkluzionin se raportet e dhëna nga sistemi BFDS i UEFA-s ishin një mjet i vlefshëm në identifikimin dhe sanksionin e mëtejshëm të shkeljeve për manipulime ndeshjesh". Pra, organi që në vitin 2016 la në fuqi vendimin e UEFA-s për Skënderbeun, duke u bazuar te të dhënat që vinin nga sistemi i monitorimit të basteve, tashmë jep një paralajmërim, i cili është alarmues. Skënderbeu u bë shembull pikërisht nga BFDS, teksa KAS e legjitimoi, duke i hapur rrugë dënimeve të tjera. Gjithsesi, vlen për t'u theksuar se çështja e titullit kampion të sezonit 2015- 2016, ku klubi i Skënderbeut ankimoi vendimin e FSHF-së në KAS dhe nga ana tjetër, dënimi i UEFA-s që pritet të ankimohet po në Gjykatën e Arbitrazhit, nuk kanë lidhje me njëra-tjetrën, pavarësisht se në Korçë mund ta shohin si ogur të mirë vendimin e djeshëm. Tani, lufta e Skënderbeut është me UEFA-n dhe dosja e kësaj të fundit zor se mund të ketë gabime "allFSHF" për shkelje të procedurës (duke iu referuar vendimit të Etikës për klubin korçar).
BONUSI - Pak vite më parë, UEFA mori një vendim
për të rritur shpërblimet ndaj klubeve. Ajo vendosi që të jepte 260 mijë euro premio për klubet që shpallen kampione dhe që nuk shkojnë deri në grupet e Ligës së Kampioneve apo Ligës së Europës. Ky shpërblim nuk u dha në vitin 2016, pasi Skënderbeu u
dënua dhe në vend të tij në Champions mori pjesë Partizani. Deri dy ditë më parë, kur KAS nuk kishte dhënë ende një vendim në lidhje me titullin e hequr të Skënderbeut nga Etika, 260 mijë eurot nuk i ishin shpërndarë as korçarëve dhe as Partizanit. Tashmë, me
të drejtë, klubi bardhekuq do të kërkojë këtë bonus të merituar, përderisa titulli i sezonit 2015-2016 mbeti i tyre. Gjithsesi, kjo mbetet në dorë të UEFA-s dhe nuk është çudi që shuma të mos akordohet, duke qenë se Skënderbeu u penalizma atë sezon.