Partizani-Erzeni, finalja për titullin kampion
Shijakasit synojnë titullin pas 20 vitesh, eliminon Studentin
artizani dhe Erzeni do të jenë dy skuadrat finaliste që do të luftojnë për fitimin e titullit kampion. Dy skuadra që kanë dominuar kampionatin si në rezultatet e arritura, por edhe ndeshjet e zhvilluara, nuk sollën surpriza në ndeshjet e tyre gjysmëfinale, pasi i kanë fituar të dyja takimet kundër kundërshtarëve, përkatësisht ndaj Tiranës dhe Studentit. E para që e preu biletën e finales ishte skuadra e Erzenit, e cila e zhvilloi takimin në të njëjtën orë me ndeshjen tjetër gjysmëfinaliste, atë të derbit kryeqytetas Tirana - Partizani, të cilat u zhvilluan në pallatin e sportit "Asllan Rusi" dhe sallën sportive "Fahrie Hoti".
NDESHJA NË "ASLLAN RUSI" - Erzeni ka prerë biletën e finales pasi fitoi 3-0 ndaj Studentit në gjysmëfinalen e dytë, duke fituar 2-0 me ndeshje dhe bëhet finalistja e parë. Një fitore të merituar të ekipit që drejtohet nga trajneri Arben Sako, mund ta konsiderojmë fitoren e shijakasve, të cilët e dominuan ndeshjen dhe e rikthyen ëndrrën e para 20 viteve, kur kjo skuadër arrinte majat e volejbollit shqiptar. Seti i parë nisi me pikën e parë të Erzenit dhe loja ka rivalitet pas disa barazimeve 5-5, 10-10, 15-15 e më pas lojën në dorë e kanë lojtarët e përvojës, të cilët i përkasin skuadrës shijakase, duke e mbyllur setin e parë 25-17 në fitim të tyre. Në setin e dytë, rivaliteti i skuadrës studentore shtohet dhe tashmë shijakasit nuk e kanë më të lehtë si në setin e parë. Bajrami, Xhebrahimi e Kola luajnë bukur me sulme të organizuara nga lojtari i lirë dhe me goditjet e forta pranë bllokut kundërshtar nga ana e Xhebrahimit, që përfundojnë me pikë. Kryeqytetasit rivalizojnë
dhe kërkojnë fitoren, por në momentet e fundit janë miqtë ata që shkëputen e fitojnë 2522. Kjo pamje nuk ndryshon as në setin e tretë, me gjithë përpjekjet e fundit të Studentit, që nuk japin ndonjë rezultat. Në më të shumtën e kohës, lojtarët e Studentit
dukeshin si të përgjumur dhe bënin gabime amatoreske. Kështu, skuadra e Erzenit fiton 25-20 edhe setin e tretë dhe të gjithë takimin 3-0, duke u kualifikuar kështu për në finalet e "play-off"-it.
DERBI KRYEQYTETAS "SKUQET" PËRSËRI - Partizani
është skuadra e dytë finaliste e "play-off"-it në volejboll për meshkuj, pas një fitoreje të vështirë këtë radhë ndaj Tiranës, ku "demat e kuq" fituan 3-1. Lojtarët që drejtohen nga trajneri me mjaft përvojë në kampionatet tona të volejbollit, Ylli Tomorri,
korrën dje në mbrëmje fitoren e dytë ndaj Tiranës, në gjysmëfinale. Derbi kryeqytetas ishte më i bukur se ai i 3 ditëve më parë, sepse bardheblutë u përpoqën të befasojnë skuadrën e Partizanit, madje duke fituar edhe në setin e parë. Ku më të mirët në ekipin
e Tiranës gjatë këtij seti ishin Ferhati dhe Gaxiri. Por, vetëm kaq nuk mjaftoi, pasi Partizani arriti të përmbysë shifrat në tri setet e tjera, ku më të mirët për të kuqtë ishin Troka, Medenica dhe Milosavljeviç. Kemi një Tiranë që e nis bukur me setin e parë të fituar 25-21 dhe një Partizani që zgjohet në setet e tjera, 25-19, 25- 19 dhe 25- 18, ku Tirana nuk ka më forcë ta rivalizojë. Kështu, Partizani duke korrur fitoren e radhës, shkon në finalen për titullin kampion. Partizani do të luajë ndaj Erzenit, në finalet që do të nisin javën e ardhshme.