Ndali Interin, Berisha: Fitoren na e mohoi Handa
Perisiç shpërdoron, shqiptari u pret "gjithçka" milanezëve
Baraspeshë në rezul tat 0-0, por jo në lojë: një pikë që vlen më shumë për Atalantën për të qëndruar në grupin e "aspirantëve" për Ligën e Europës, sesa Interit. Sfida mes dy skuadrave të angazhuara me ndjekjen e "trenit" që siguron një vend në Europë për sezonin e ardhshëm përfundon pa gola: drejt skenës më prestigjioze, miqtë që duan një nga 4 vendet e para të renditjes për të fituar pjesëmarrjen në Ligën e Kampionëve; më pak "fisnike" ëndrra e vendësve, që nëse do kualifikoheshin për vitin e dytë radhazi në Ligën e Europës, do përmbushnin një "mrekulli" të vërtetë sportive.
GRINTË E RITËM - Spaleti e nisi sfidën me dy ndryshime: Borha Valero e nisi nga minuta e parë si "regjisor" (në vend të Vesinos, favorit deri përpara startit të ndeshjes), përpara mbrojtjes së ndërtuar nga D'Ambrozio- Santon. Kandreva, jo në formë optimale, e nisi nga pankina duke i lënë vendin Kanselos në krahun e djathtë (ku pritej të luante Rafinja, që u zhvendos në pozicionin e zakonshëm si fantazist). Xhian Paolo, me Etrit Berishën në portë, nuk pati të gatshëm Petanjën e Spinacolën. Përballja premtonte spektakël (ndoshta jo të nivelit elitar, por…) dhe i qëndroi besnik kësaj linje: start plot grintë i Atalantës, që fraksionin e parë mbyll Interin në gjysmëfushën e tij. Dy raste për gol në dy minuta për bergamaskët: fillimisht Kristante gjen Gomezin që dërgon topin jashtë (por jo larg) portës, e më pas D'Ambrozio shkon pranë "gafës" me një kthim të gabuar, kur ishte minuta e 9-të, që nis Barroun drejt portës së zikaltërve: Handanoviç del me shpejtësi dhe zgjidh një situatë të rrezikshme. Disa çaste më pas është Kaldara që i ndërlikon punën Berishës: pasim i gabuar i mesfushorit bergamask, Ikardi përpiqet të përfitojë e portieri shqiptar "imiton" homologun slloven. Etriti shpëton të tijtë nga një tjetër rrezik në të 31- tën: Perisiç shërbehet nga Rafinja, hyn në zonë dhe godet me të majtën, por Berisha grushton topin mbi traversë. Atalanta lufton për çdo top të diskutueshëm, duke mos e lejuar Interin të avancojë. Skuadrat, megjithatë, shkojnë në pushim me shifrat e ndalura në 0-0, pavarësisht grintës së Atalantës ( në
veçanti me iniciativat e Gomez e Barrou: 4 raste të pastra për gol) dhe Interit që pëson presingun e bergamaskëve, por reagon në kundërsulm (për t'u përmendur dy shanset e Perisiçit).
SHUMË RASTE, 0 GOLA - Me rikthimin në fushë, Atalanta
ul ritmin dhe Interi "merr frymë" në 15 minutat e para. Bergamaskët nuk duken më ata të pjesës së parë dhe milanezët avancojnë dalëngadalë. Rafinja, përpara se t'i lëshojë vendin Ederit, shpërdoron një rast fantastik për të kaluar në avantazh pas pa-
simit të Ikardit. Momentet e fundit nuk ndryshojnë asgjë, vetëm vendosin në pah paaftësinë e interistëve për të shënuar për të tretën ndeshje radhazi. Spaleti kap momentalisht dy romanet në kuotën 60 pikë e shpreson në një 1-2 në derbin e sotëm.