Flamurtari gjen fitoren, Lushnja bie matematikisht
Zhbllokohet serbi Nedeljkoviç, ndërsa Useini vulos triumfin
Nga Lushnja te Lushnja. Në ka mpionat, Flamurtari ka gjetur frymëmarrjen, pikërisht ndaj verdhejeshilëve, ndaj të cilëve siguroi trepikëshin e fundit, dy muaj më parë, më 18 shkurt. Fitore e arritur me nga një gol në çdo pjesë, nga Nedejlkoviç dhe Useini, të cilët e ngjisin skuadrën vlonjate në kuotën e 40 pikëve, vetëm dy më pak sesa Laçi dhe katër më pak sesa Luftëtari. Lushnja, me gjithë dëshirën për të reaguar, nuk gjen dot rrugën e rrjetës dhe duhet të mjaftohet me aktivizimin e lojtarëve nga ekipi i të rinjve, duke projektuar në avancë skuadrën që do të marrë pjesë në të Parën. Nga dje, është matematikisht pjesë e asaj kategorie dhe deri në fund, është vetëm spektatore e Superiores, megjithëse do të luajë edhe shtatë javë.
Pjesa e parë - Ky fraksion nis me një Flamurtar kërkues. Dominim në vendosje, më agresivë në duelet një për një dhe mbi të gjitha, më të qartë në manovrën sulmuese. Goli nuk do të vonojë dhe do të jetë Pollozhani që tregohet i saktë me kokë, por për anësorin ka pozicion jashtë loje, me të drejtë. Në të 13-tën është Tunkara me një mundësi goditjeje në qendër të zonës, por finalizimi është i gabuar, mbi tra. Në të 26-tën, do të anulohet një tjetër gol për miqtë, pasi Musta e shtyn sferën me dorë. Insistimi i miqve do të shpërblehet, pasi në të 30-tën, Nedeljkoviç merr pasim të saktë nga Tunkara dhe shënon, 0- 1. Deri në fund, Lushnja tenton me Sefën dhe disa goditje drejt kuadratit, por pa sukses.
Pjesa e dytë - Flamurtari tenton që në start me Tunkara, por pa rezultat. Në të 49tën, një ndërhyrje e ashpër e Markut ndaj Hoxhajt, bën që mbrojtësi i vendësve të ndëshkohet me karton të kuq. Vendësit janë me dhjetë, por besojnë se mund të arrijnë barazimin. Disa tentativa me Sefën nuk finalizohen për mungesë të fatit. Në të 70tën, Sefa gjendet i vetëm në zonë, për habi pa asnjë mbrojtës pranë, merr një krosim nga e djathta dhe gjuan me kokë, por pa gjetur kuadratin. Katër minuta më vonë është Nedeljkoviç, por përballë Bejtes, ka një duel që fitohet nga portieri, i cili devijon në këndore. Mirëpo,
me ndryshimet që Lushnja bën duke aktivizuar të rinjtë, vlonjatët mbyllin llogaritë e takimit. Një aksion i Nedeljkoviç në të majtë pason saktë në qendër për Useinin që e ka të thjeshtë, devijon dhe gol. Fitore e merituar për Flamurtarin, i cili
reagon me një trepikësh jetik. Në radhë të parë për moralin dhe vetëbesimin e futbollistëve, por edhe për klasifikimin. Lushnja ka nisur të mendojë për të Parën, pjesë e së cilës është bërë matematikisht pas 90minutëshit të djeshëm.