Flamurtari e Tirana fitojnë ndeshjet e vajtjes
Dorina Mehmeti e Gogës shënon 7 tripikësha
Tirana dhe Flamur tari janë dy skuad rat që fitojnë në takimet e para gjysmëfinale. Ato kanë fituar përkatësisht ndaj Studentit dhe Goga Basket, duke udhëhequr 1- 0 serinë e kësaj faze. Kampionet vlonjate nuk e patën aspak të vështirë të mposhtnin Studentin në fushën e tyre, një ndeshje që nuk pati shumë rivalitet. Flamurtari ishte vazhdimisht në epërsi, madje luajti pa u sforcuar shumë dhe duke ruajtur forcat për sfidat e rëndësishme finale. Studenti bëri maksimumin e tij, luajti pa shumë objektiva, pasi ia ka dalë mbanë që të kualifikohet në katërshe dhe të luajë mes më të mirave edhe sezonin tjetër. Flamurtari ka arritur të fitojë ndaj Studentit me rezultatin 82-66. Perioda e parë ka nisur mjaft mirë për vlonjatet, të cilat kanë udhëhequr gjatë gjithë 10-minutëshit. Mijatovic dhe Myrto kanë qenë në një ditë të mirë, duke shënuar dhe ndihmuar vazhdimisht skuadrën. Në 10-minutëshin e dytë, loja e vlonjateve është rritur së tepërmi, ku janë aktivizuar nga trajneri Toska dhe Hasanaj, Rrapaj e Kostallari. Rrapaj starton bukur me një paraqitje mjaft të mirë, ku që në nisje të periodës së dytë ka shënuar 4 pikët e para. Pjesa e parë mbyllet me rezultatin 40-23 për Flamurtarin. Në fraksionin e dytë, përsëri ka ndryshime nga trajneri Toska, ku janë aktivizuar edhe Bleta e Lloi. Korto, Aliaj dhe Rrapaj vazhdojnë të thellojnë rezultatin, duke shënuar pikët e para të kësaj periode. Në periodën e fundit, Plasa dhe Korto vazhdojnë të shënojnë pikë të tjera për Flamurtarin. Në përfundim të takimit, rezultati regjistron shifrat për Flamurtarin 82-66.
Super ndeshja - Luftë të fortë sportive dhe spektakël ka dhuruar takimi mes Tiranës dhe Goga Basket, e cila përfundoi 90-67 për vajzat që drejtohen nga Roland Avrami. Edhe pse pritej të ishte një përballje edhe më e fortë, ishin basketbollistet bardheblu, ato që dominuan me lojën e tyre, duke u shkëputur gradualisht nga perioda në periodë. Për durrsaket, fitorja ishte shumë e vështirë, ku nuk ndikuan as tifozët e shumtë durrsakë, që erdhën në mbështetje të skuadrës, ndërsa Tirana luajti më e qetë, madje e karikuar pas fitores pak ditë
më parë të Superkupës. Dy pikëshënueset më të mira ishin Sesila Okoje për Tiranën dhe Dorina Mehmeti për skuadrën e Gogës. Mehmeti,
në fund, u shpreh: "Ishte një ndeshje që na krijon mundësi për rikuperim dhe për fitore". Më 18 prill luhen ndeshjet e kthimit.