Barcelona largon makthet, fitore rekord në kampionat

Katalanasit mundin Valencian dhe afrohen me titullin

Në kampionat është tjetër histori. Barcelona mund Valencian dhe konfirmon se në La Liga nuk mund të gabojë. Tri pikët e afrojnë më shumë me titullin kampion dhe mbi të gjitha i shërbejnë për të kaluar tronditjen që pësuan në Champions kundër Romës. Për më tepër, kjo fitore kundër ekipit të tretë në kampionat shërbeu për të vazhduar ecurinë pozitive: 39 ndeshje pa humbje. Rekord absolut në Spanjë. Në krahasim me ndeshjen e "Olimpicos", Valverde kishte zbritur në fushë Paulinjon dhe Kutinjon (s'mund të luajë në Champions), ndërsa në mbrojtje ishte GOLAT: Suarez 15', 51' Umtiti/ Pareho 87' ( pen)

BARELONA (4-4-2): Ter Shtegen; Serxhi Roberto (Semedo 93'), Pike, Umtiti, Zhordi Alba; Kutinjo ( Dembele 79'), Buskets, Paulinjo, Iniesta ( D. Suarez 84'); Mesi, Suarez. Trajner: Ernesto Valverde

VALENCIA ( 4- 4- 2): Neto; Ruben Vezo, Garai, Gabriel Paulista, Gaja; Soler, Pareho, Kondogbia, Guedes ( Pereira 69'); Santi Mina ( Vieto 71'), Rodrigo ( Zaza 81'). Trajner: Marselino

ARBITËR: Karlos Del Cerro

KARTONË TË VERDHË: Pike 7', Dembélé 86'/ Kondogbia 12', Paulista 75', SPEKTATORË: 69.544

rikthyer Serxhi Roberto. Në radhët e Valencias: Rodrigo e Mina në sulm, Zaza në stol. GOLAT - Ndeshja është argëtuese që në nisje. Pas një goditjeje të bukur të Guedesit, Barcelona

krijon raste me Suarezin dhe Albën. Kalojnë 15 minuta dhe gjen avantazhin me golin e uruguaianit, i cili arrin golin e 22-të në kampionatin spanjoll. Valencia reagon mjaft mirë dhe është Ter Shtegen që shpëton të tijtë me një pritje të mrekullueshme ndaj Rodrigos. I vjen në ndihmë edhe traversa për të mbajtur portën të paprekur. Pike bëhet shpëtimtar dy minuta nga fillimi i pjesës së dytë, duke larguar një top të goditur nga Rodrigo dhe pak minuta më vonë Umtiti shënon golin e dytë, duke rikthyer qetësinë në kampin katalanas. PENALLTIA - Nga ky moment dhe deri në fund është një monolog i Barcelonës që shpërdoron me Mesin, Suarezin dhe Iniestën. Edhe Valencia pas disa tentativash gjen golin nga penalltia, të cilën e shkakton Dembele. Ter Shtegen e pret topin, por i kalon poshtë trupit dhe nuk e mban dot portën të paprekur. Tri minuta nga fundi Valencia ka shans për të shënuar me Zazën, por goditja e tij përfundon larg.