Salah: I fal golat e mi për Champions-in

"Shokët do më ndihmojë deri në fund të fitoj 'Këpucën e Artë'"

Eka kaluar këtë sezon duke thyer rekorde të njëpasnjëshme, por ka refuzuar gjithnjë të flasë për mediat. Zakonisht, numri 11 i Liverpulit rrëshqet nga zona miks e "Anfield Road" pa dhënë intervista. Atij nuk i pëlqen të flasë për mediat dhe sa herë është pyetur nga gazetarët pas ndeshjeve në shtëpi, i ka refuzuar deklaratat me fjalët: "Herën tjetër!". Por Mohamed Salah dha një premtim dhe ai i mban ato: nëse do të arrinte të shënonte 40 gola këtë sezon, atëherë do të ndalej të fliste më gjatë përpara mediave. Dhe pasi e gjeti rrugën e golit kundër Bornmëthit, ai u ndal përpara gazetarëve për të komentuar sezonin e tij fantastik me fanellën e "reds"-ave dhe rivalitetin e tij për "Këpucën e Artë", me sulmuesin e Totenhemit, Herri Kejn.

Champions-i - Sulmuesi i Liverpulit, thotë se një triumf të skuadrës së tij në Champions këtë sezon ai do ta këmbente me rekordet e tij personale. Egjiptiani është në krye të listës së golashënuesve në Europë dhe kandidati favorit për të fituar çmimin e lojtarit të vitit në Angli. Por 25vjeçari deklaron se prioriteti i tij është suksesi në Champions, atje ku rivalja e radhës e anglezëve në gjysmëfinale është ish-ekipi i tij i Romës: "Nëse do të më duhet të bëja një zgjedhje mes trofeve individualë dhe Champions- it, pa dyshim që do të zgjidhja këtë të dytën. Nuk ka asnjë dyshim. Të fitosh Ligën e Kampioneve është diçka e jashtëzakonshme për të gjithë. Nuk më intereson asgjë tjetër".

"Këpuca e Artë" - Dueli për "Këpucën e Artë" me Herri Kejnin, mori një kthesë javën e shkuar kur sulmuesi i Totenhemit fitoi apelin për t'iu quajtur goli i dytë i Eriksenit kundër Stokut, pasi topi preku shpatullën e tij. Me atë gol, Kejn u ngjit në kuotën e 25 golave, 5 larg Salahut. Kur e pyesin për një vendim të tillë, pas së cilit Salah reagoi menjëherë me ironi në "Twitter", 25-vjeçari e

pret me buzëqeshje, por nuk zhbalancohet: "Nuk dua të them asgjë për atë. Në fund, ata thanë se është goli i tij, kështu që për mua është kapitull i mbyllur. Tani ne kemi ende 4 ndeshje dhe Totenhemi 5, kështu që të shohim. Nuk mund të gënjej. E dua 'Këpucën

e Artë'. Të gjithë shokët e skuadrës përpiqen të më ndihmojnë, duke më pasuar. Por e njëjta situatë ndodh edhe te Totenhemi me Kejnin. Edhe Mançester Siti përpiqet ta ndihmojë Agueron. Megjithatë, në fund ne përpiqemi të luajmë si skuadër".