Zgjohet Tomori, kërkon t'i marrë titullin Tiranës
Zbardhen 6 pikat e kërkesës së beratasve drejtuar FSHF-së
Ndeshjet mes To morit dhe Ti ranës do të mbahen mend gjatë në historinë e futbollit shqiptar si "derbi i polemikave", për shkak të asaj padrejtësie që pretendohet t'u jetë bërë beratasve për titullin kampion të sezonit 1999- 2000. Një situatë që nuk pritet të ketë asnjëherë "paqe" dhe kjo konfirmohet nga kërkesa më e fundit. Kryetari i Bashkisë së Beratit, Petrit Sinaj, i cili është edhe presidenti i këtij klubi, ndryshe nga paraardhësit e tij, ka menduar që t'i shkojë deri në fund kësaj çështjeje duke kërkuar t'i rikthejë skuadrës dhe tifozërisë beratase titullin e vjedhur 18 vite më parë. Nga burime zyrtare pranë klubit mësohet se ka qenë administratori i Tomorit, Albano Ziu, i cili vetëm dy ditë më parë i ka dërguar një letërkërkesë Federatës Shqiptare të Futbollit. Në hyrjen e kësaj shkrese bëhet e ditur se klubi Tomori ka ngritur një grup pune juridik, me qëllim fitimin e titullit "Kampion të Shqipërisë" për sezonin 1999-2000. "Jeni në dijeni se ai sezon e ka vendosur titullin kampion me një ndeshje shtesë mes Tomorit dhe Tiranës, pasi të dyja skuadrat e mbyllën sezonin me pikë të barabarta. Por, ekzistojnë dyshime të forta se në atë sezon, në bazë të rregullores, është Tomori skuadra që duhet të shpallej kampione pa u luajtur kjo ndeshje shtesë", shkruhet në fillim të letërkërkesës së Tomorit drejtuar FSHF- së. Beratasit pretendojnë se federata ka ndryshuar rregulloren në fund të garës, ndërsa Tomori ishte i avantazhuar me përballjet direkte dhe golavarazh ndaj Tiranës. Në këtë mënyrë, klubi i kërkon FSHF-së që t'i vendosë rregulloren e kampionatit të atij viti, ku rendit edhe pika të tjera. KËRKESAT
"Për këtë arsye, në kërkojmë prej jush: 1) Rregulloren e kampionatit të Kategorisë së Parë(si quhej atë sezon Kategoria Superiore) të sezonit 1999-2000 duke përfshirë edhe specifikat se kur një ekip shpallej kampion në rast se sezoni mbyllej me pikë të barabarta nga 2 ose më tepër skuadra; 2) Po ashtu, specifikat se si vendoseshin objektivat e tjerë, si Kupat e Europës apo mbijetesa në rast se sezoni mbyllej me pikë të
barabarta nga 2 ose më tepër skuadra; 3) Ndryshimet që janë bërë gjatë atij sezoni dhe periudhën kur këto kanë ndodhur (nëse ka pasur të tilla) për Kategorinë e Parë sidomos këto lidhur me çështjet e cekura më lart; 4) Rregulloret për kampionatet e tjera nën menaxhimin e FSHF- së për sezonin 19992000, si Kategoria e Dytë apo kampionatet e moshave; 5) Rregulloret e kampionateve të Kategorisë së Parë në dy sezonet paraardhëse: 19971998 dhe 1998-1999, si edhe ndryshimet e bëra përgjatë gjithë sezonit; 6) Rregulloret e kampionateve të Kategorisë së Parë në dy sezonet pasardhëse 2000- 2001 dhe 2001- 2002, si edhe ndryshimet e bëra përgjatë gjithë sezonit. Duke iu falënderuar paraprakisht për bashkëpunimin e deritanishëm, qëndrojmë në pritje të informacioneve të kërkuara. Këto do të na ndihmonin për ta ndjekur në mënyrë sa më korrekte dhe të drejtë këtë procedurë, si në instancat gjyqësore kombëtare, edhe ato ndërkombëtare", ishin kërkesat e klubit drejtuar FSHF-së. Gjithashtu, Tomori paralajmëron se ka ndërmend ta ndjekë çështjen në rrugë gjyqësore. Në kësi kushtesh, tashmë "topi" është në duart e federatës, që duhet të kthejë një përgjigje dhe t'i vendosë në dispozicion Tomorit rregulloren e kampionatit të atij sezoni. Beratasit bënë një superkampionat atë vit, duke e mbyllur garën me pikë të barabarta me Tiranën. Në ndeshjen shtesë mes këtyre dy ekipeve të luajtur në Elbasan, pas 90 minutave dhe shtesës që u mbyllën në barazim 1-1, pas goditjeve të penalltive fituan kryeqytetasit, duke u shpallur edhe kampionë.