Behari dhe Vasil Ruci për të shpëtuar Flamurtarin
Administratori: /ë ofrojnë trajnerë, por s0kemi hapur tender...
Ardi Behari është tra jneri i ri i Flamur tarit. Presidenti Sinan Idrizi i ka besuar drejtimin e ekipit Beharit që deri më tani mbante postin e drejtorit teknik në klub. Në pankinë, Behari do të jetë së bashku me Vasil Rucin dhe Petraq Bifshën që do të jenë bashkëpunëtorët e tij në pozicionin e zëvendëstrajnerit. Ruci do të jetë edhe drejtori teknik, pas kalimit të Beharit në krye të pankinës. Largimi i papritur i Shpëtim Duros, hapi shumë punë për Idrizin. Ky i fundit vendosi që pankinën t'ia besonte Jeton Beqirit deri në fund të sezonit, por ai dha dorëheqjen. Më tej, detyra e trajnerit iu caktua Petraq Bifshës, por brenda pak orësh, Idrizi vendosi që trajneri zyrtar të jetë Ardi Behari. Sinan Idrizi konfirmoi dje për "Panorama Sport" edhe stafin e ri teknik me në krye Beharin. "Bëhet fjalë për marrje përgjegjësie nga dy pjesëtarë të stafit tonë siç pata thënë që do të jenë vlonjatë ata që do të marrin përsipër drejtimin e Flamurtarit. Ardi Behari do të jetë trajneri i Flamurtarit, ndërsa Vasil Ruci dhe Petraq Bifsha do të jenë zëvendëstrajnerë. Të tre do të zbresin në pankinë për të drejtuar ekipin. Është një zgjedhje brenda shtëpisë. Është shpejt për të folur nëse trajnerët e rinj vlonjatë do të jenë pjesë edhe e pankinës edhe sezonin e ri. Do të shikojmë se si do të shkojnë zhvillimet. Ishte një situatë që na kapi të papërgatitur. Para një muaji nuk e mendonim që do të ishim në këtë gjendje si sot. Madje bënim planet për strukturat e ekipit në vazhdimësi. Ndodhi kjo që ndodhi dhe se ekipi u shpërfytyrua në mënyrë të drejtpërdrejtë dhe morëm përgjegjësitë tona me stafin", tha fillimisht Idrizi. O8ERTAT PËR TRAJNERË Administratori i Flamurtarit zbuloi se gjatë këtyre ditëve i kanë ofruar disa emra për trajner, por ai tha se nuk ka hapur asnjë tender për pankinën. "Mua më kanë ardhur disa oferta çuditërisht për trajner nga disa miq të mi dhe të tjerë. Por e përsëris që nuk kërkojmë trajner në këtë moment, nuk kemi hapur tender për trajner", tha administratori. Por çfarë pret Idrizi nga stafi i ri teknik. "U kërkoj atë që u kërkoj gjithë të tjerëve respektimin e fanellës dhe asgjë më tjetër. Kusht kam respektin për fanellën", u shpreh administratori.
PRITSHMËRIA Administratori Sinan Idrizi
deklaroi se ka besim se ky ekip do t'i kapë Kupat e Europës edhe nga kampionati. "Këta futbollistë i kanë të gjitha mundësitë për ta kapur Europën. Nuk është as për presion dhe për asnjë lloj diktati, por ky ekip me këta lojtarë, për mua Europën e kapin. Jam i
sigurt që me këto ndeshje që kanë mbetur do të na çojnë në Europë, ndaj e pres që nga ndeshja e radhës", tha Idrizi. OJTARËT DHE DURO Idrizi ka shfaqur pakënaqësi për lojtarët që sipas tij duhet të bënim më shumë, ndërsa ka vlerësuar maksimalisht ishtrajnerin
Shpëtim Duro. "Kam pakënaqësi për lojtarët. Ata duhet të bënin më shumë. Duro mori një përgjegjësi qytetare. Unë e thashë që Duro do të largohej i fundit, por mori përgjegjësinë përsipër dhe u largua. Nuk ishte nga ata trajnerët e tjera që kanë
ikur dhe e kanë lënë Flamurtarin për arsye të ndryshme apo si zvarranik kanë shkuar në dyert e gjykatave apo FSHF që të kapin ça të kapin nga Flamurtari. Duro bëri një akt civil dhe qytetar. Ishte një trajner që kishte vlera të jashtëzakonshme në Vlorë. Ndodhi ajo
që mund t'i ndodhë çdokujt me topin e rrumbullakët. Gjërat do të ishin ndryshe po ta kishim kaluar këtë moment, por Duron e falënderoj shumë. Ka qenë një nga njerëzit me personalitet dhe integritet shumë të lartë", përfundoi Idrizi.