Tronditet Partizani, Kardozo 6 muaj jashtë

Braziliani ka këputur ligamentet, me mungesa në Lushnjë

Partizani i sezonit 2017-2018 ka qenë "i mallkuar" në shumë aspekte, por ajo që i ka rënduar shumë, kanë qenë dëmtimet e rënda dhe të gjata të disa lojtarëve. Por, sikur mos të mjaftonte martona e dëmtimeve të gjata të Edgar Çanit dhe Arbnor Fejzullahut, së fundmi të kuqtë kanë marrë një tjetër goditje. Pikërisht, bëhet fjalë...

Partizani i sezonit 20172018 ka qenë "i mallkuar" në shumë aspekte, por ajo që i ka rënduar shumë, kanë qenë dëmtimet e rënda dhe të gjata të disa lojtarëve. Por, sikur mos të mjaftonte martona e dëmtimeve të gjata të Edgar Çanit dhe Arbnor Fejzullahut, së fundmi të kuqtë kanë marrë një tjetër goditje. Pikërisht, bëhet fjalë për Lukas Kardozo, që u dëmtua në minutën e parë të ndeshjes me Skënderbeun. Për këtë rast, klubi ende nuk e ka bërë të qartë situatën e lojtarët, pasi vijojnë ekzaminimet e hollësishme dhe në përfundim do të përcaktohet se si do të veprohet për rikuperimin e brazilianit, si dhe kohëzgjatja. Situata nuk është pozitive, pasi nëse fillimisht u përfol për një mungesë 4-6 javë të Lukasit, por mungesa do të jetë më e gjatë për vetë dëmtimin. "Panorama Sport" ka mësuar se braziliani ka këputur ligamentet e gjurit dhe nuk do të jetë i gatshëm as për pjesëmarrjen në Kupat e Europës, kuptohet, nëse Partizani e arrin këtë mision në fund të sezonit. Lukas Kardozo është i pafat me eksperiencën e tij te Partizani, pasi fillimisht erdhi në një kondicion jo të mirë fizik. Kur mendohej se ai kishte kapur formën optimale, merr goditjen në gju, që mund ta mbajë gjatë jashtë fushave të blerta. Dëmtimi është i ngjashëm me Fejzullahun, ndaj ndërhyrja kirurgjikale është e pashmangshme për 24-vjeçarin. Gjasat janë që ai të jetë gati

vetëm për sezonin e ri.

TRASHI- Trajneri Klevis Dalipi nuk do ta ketë të plotë grupin për transfertën e Lushnjës, takim i cili do të luhet nesër në orën 16:00. Gerhard Progni është i pezulluar nga kartonët në këtë takim, ndërsa do të mungojë edhe Lukas që u dëmtua ndaj Skënderbeut. Por, këtyre

dy mungesave të sigurta u është shtuar edhe Lorenc Trashi, i cili për momentin mbetet në dyshim për duelin ndaj ishekipit. Trashi pësoi një tërheqje në përfundim të seancës stërvitore të së martës dhe dje është përgatitur i diferencuar nga grupi. Mesfushori, që ndaj Skënderbeut luajti si mbrojtës i

majtë, dje ka kryer vetëm vrapime dhe sot pritet që të sqarohet situata e tij nëse do të jetë në fushë ndaj Lushnjës. Trashi e ka ndëshkuar ishskuadrën e tij në fazën e dytë në "Roza Haxhiu", ku në shenjë respekti nuk festoi, por për nesër ai mbetet në dyshim nëse do të jetë në fushë.