Isli Hidi: Koha që të kthehem në Shqipëri
Viron Bezhani: Duka, thjesht lojë me dy porta
Përgjigjja e kthyer nga Federata Shqiptare e Futbollit për KAS-in shqiptar ka rihapur edhe një herë çështjen e rezultatit të zgjedhjeve për kreun e institucionit të futbollit në vend. Me anë të një letre, FSHF ka injoruar KAS- in shqiptar, duke u shprehur se nuk e njeh dhe nuk ka dijeni për asnjë strukturë drejtuese të tij. "Panorama Sport" kontaktoi me presidentin e KOKSH-it, Viron Bezhani, në lidhje me funksionimin e KAS-it shqiptar, si dhe me marrëdhënien që duhet të ketë FSHF me të.
FSHF shprehet me një letër se nuk e njeh KAS-in shqiptar. A keni dijeni rreth saj?
Unë di një gjë, që në KAS i janë drejtuar kur kishin probleme për Asamblenë.
I referoheni federatës apo kandidatit Fino?
Bashkim Fino bëri kërkesë në KAS. Sa i përket deklaratës së bërë nga FSHF në atë letër, janë thjesht filma apo lojë me dy porta.
Si funksionon KAS- i shqiptar, pasi në letrën e FSHF-së thuhet që nuk njihet as struktura e tij?
Le të thonë ç'të duan. KAS-i ka kaq kohë që funksionon në Shqipëri. Ka qenë më parë Arben Rakipi kryetar i tij, njeri me integritet. Nuk ka të bëjë fare se çfarë thotë Duka. Për KAS- in, ka dalë përsëri Ligji i Sportit. Në të parashikohet që KAS- i të marrë fond akoma edhe më të fuqishëm. Momentalisht është Franc Terihati, pas dorëheqjes së Rakipit. Ata funksionojnë vetë dhe nuk kanë lidhje me ne.
Pra, po thoni që funksionon dhe njihet juridikisht?
Patjetër që po. Funk-
sionon dhe sigurisht që njihet juridikisht.
Në letrën e FSHF-së thuhet edhe që "nuk e njohim KOKSH-in, i cili ka ndërruar edhe emrin", komenti juaj?
Është diçka pa lidhje. KOKSH nuk është formuar sot dhe po bën gati 60- vjetorin. Është formuar me vendim të qeverisë. Kohë më parë, ka pasur një ngatërresë të vogël pasi u nxor në ligj me emrin KOSH. Mirëpo, në në aktivitetet ndërkombëtare, kemi qenë KOKSH. Tanimë, ministri e ka firmosur dokumentacionin dhe
është gjithçka e qartë.
Duke qenë se FSHF thotë nuk e njohim institucionalisht, çfarë ndodh?
Ata mund të thonë çfarë të duan, por nuk bëhet fjalë për dëshira personale të dikujt. Ajo njihet në ligj. Bëhet fjalë për një detyrim ligjor dhe FSHF duhet t'i përgjigjet se s'bën. Nëse nuk i përgjigjen, do të thotë se nuk i janë përgjigjur ligjit. Madje, ata janë anëtar5ë tanët.
FSHF, a është e anëtarësuar në KOKSH?
Patjetër që është anëtarësuar.