Precedenti i vetëm në 2008-2009-ën

Marsejë- Atletiko Madrid është një finale pa shumë histori mes këtyre dy skuadrave, duke qenë se i vetmi precedent i tyre ka qenë në fazën e grupeve të Ligës së Kampioneve, në sezonin 2008- 2009. Në Francë, dueli mes tyre përfundoi në barazim, me rrjeta të paprekura. Ndërsa dueli i kthimit në Spanjë u mbyll me fitoren e madrilenëve, 2- 1, falë golave të Agueros e Garsias.

disfata me Atletikon nuk djeg vetëm për faktin se i mungoi arritje në finalen e Ligës së Europës, por në të njëjtën kohë dhe ndoshta më e rëndësishmja është se do t'i japë lamtumirën Arsenalit duke e lënë skuadrën në të cilën qëndroi për 22 vite edhe jashtë Ligës së Kampioneve për sezonin e ardhshëm. Bardhekuqtë, duke qenë se renditen vetëm të gjashtit në Premier Ligë, e shihnin Ligën e Europës si "tunelin" më të shkurtër për të qenë pjesë e kompeticionit më të rëndësishëm për klube sezonin e ardhshëm. Me pak fjalë, një dopiozhgënjim për Arsen Vengerin.

MARSEJA - Rudi Garsia rikthen të madhe Marsejën, një skuadër që deri vjet rrezikonte të binte nga kategoria, ndërsa sivjet e gjen veten në finalen e Ligës së Europës. Gjithsesi, më shumë sesa vetë Marseja, edhe një herë tjetër protagonist negativ dhe shumë polemik, ishte arbitrimi, duke qenë se nëse Valon Berisha me shokë (kosovari ishte edhe një

herë tjetër fantastik) arritën që të rikuperojnë në kohën e rregullt humbjen e pësuar në "Velodrom", në kohën shtesë, pasi shpërdorojnë të paktën katër raste të pastra për gol, që mund ta kualifikonin, protestojnë me të madhe në minutën 115-të. Një goditje këndi e paqenë dhe e konfirmuar nga pamjet filmike të përsëritura televizive (VAR-i që u mungon turneve UEFA po bëhet si oksigjeni) nuk duhej të akordohej, sepse ishte Okampos i Marsejës ai që preku i fundit. Dhe si për ironi të fatit, ishinteristi Rolando, mbrojtësi i zbritur në fushë prej pak sekondash, devijon në rrjetë pa shumë pretendime, thuajse gati me fat krosimin e ardhur nga këndi. Dhe nëse për francezët festa mund të fillojë, pasi këtë finale do të kenë mundësi ta luajnë në tokën e tyre, për Salcburgun vërshëllima finale është starti i protestave të ashpra të lojtarëve dhe të trajnerit, një tjetër episod i inkriminuar që do të kalojë me shumë zhurmë.