Klop, humbësi i finaleve
"Reali mund të ketë më shumë përvojë se ne, por Liverpuli do jetë zjarr"
Një shans i dytë, 5 vite pas finales së humbur në stolin e Borusias së Dortmundit kundër Bajernit të Mynihut. Jyrgen Klop rikthehet të luajë aktin e fundit të Ligës së Kampioneve, falë një sezoni europian të shkëlqyer. Në Kiev, më 26 maj, këtë herë do të gjejë Realin e Madridit, kampionen në fuqi të dy viteve të fundit, por gjermani i trembet vetëm vetvetes: "Nuk ka rëndësi kush është në krahun tjetër. Ne kemi shkuar në një finale të Kupës së Ligës dhe nuk e kemi fituar. Njerëzit kur më ndalojnë në rrugë, nuk më thonë: ' Faleminderit që na çove në finale!' Ishim gjithashtu në finalen e Ligës së Europës dhe askush nuk më thotë faleminderit. Nuk shoh trofe pas këtyre ndeshjeve. Në ' Melwood' nuk shoh medalje të varura. Është një fatkeqësi, por ky është futbolli. Të shkojmë në finale është diçka e bukur, por ta fitojmë do jetë edhe më e bukur. Do të jemi gati, por përballë është Reali. Nuk ka një skuadër me më shumë përvojë se Reali në këtë kompeticion. 80% e skuadrës së tyre ka luajtur në këto finale. Ata kanë mbërritur aty katër herë në pesë vitet e fundit dhe janë ende së bashku. Reali është një ekip me eksperiencë, ne nuk jemi. Por ne do të jemi zjarr". Në 25 maj 2013, në "Wembley", gjermani luajti dhe humbi finalen kundër Bajernit. Ishte Dortmundi i Levandovskit, Rojsit, Gyndoanit, Humelsit dhe Gëces, i cili mungoi në atë ndeshje prej dëmtimit. Ishte Dortmundi, që shkëlqente në fazën e organizimit, presingut, intensitetit dhe teknikës. Ishte një skuadër shumë e bukur, por që u dorëzua përballë rivalëve 2- 1, të cilët fituan falë golave të Manxukiçit dhe Robenit në 89'. Pas më pak se tri javësh, Klop ka merituar shansin e dytë për të ngritur kupën
me veshët e mëdha. Do të ketë edhe një sfidë me veten për të konfirmuar se nuk është një humbës i madh. Ai ka shkuar 6 herë në finale në karrierën e tij me Dortmundin dhe Liverpulin, por vetëm njërën ka fituar ( Kupa e Gjermanisë
2012, Dortmund- Bajern 52); ( Champions 2013, DortmundBajern 1- 2); ( Kupa e Gjermanisë 2014, DortmundBajern 0- 2); ( Kupa e Gjermanisë, DortmundVolfsburg 1- 3); ( Kupa e Ligës 2016, Liverpul- Siti 11, humbur me penallti); ( Liga e Europës 2016, LiverpulSevija 1- 3). Liverpuli i këtij viti ka mbërritur deri këtu pasi ka eliminuar Porton, Sitin dhe Romën. Rezultate që kanë ardhur me një lojë elektrizuese dhe një sulmi shkatërrimtar siç tregojnë numrat: 23 gola në fazën e grupeve ( 7- 0 Mariborit dhe 7-0 Spartak Moskës), 5-0 Portos në ndeshjen e vajtjes së 1/8-ave dhe 3-0 Sitit në çerekfinale, përpara se të shkatërronin 5-2 Romën në "Anfield". Në këtë Liverpul duket gjithë dora dhe koka e Jyrgen Klopit, i cili në moshën 51-vjeçare ndihet gati për të pushtuar Europën.