Maks Alegri një hap larg lamtumirës, “Zonja” mendon ish-zëvendësin e... Kontes
Në Serinë A është gjithçka gati për "valcerin" e madh të pankinave. "Fidanishtet" e trajnerëve, siç ka raportuar në edicionin e ditës së djeshme "Corriere di Bergamo", do mbikëqyret edhe nga Juventusi: sepse nëse Lacio po synon Gasperini dhe Atalanta "mbrohet" me Donadonin, apo Napoli largon Sarrin ( me drejtim Çelsin) dhe kërkon Benitezin, lajmi është që edhe Masimiliano Alegri do largohet me shumë mundësi nga klubi bardhezi: sipas të përditshmes, Bepe Marota po mendon ( prej kohësh) Simone Inzagin, trajnerin aktual të Lacios, si "trashëgimtar" të teknikut livornez. Profili shihet si i duhuri për drejtuesit, por mbetet e hapur edhe një rrugë tjetër që, nëse konfirmohet, do ishte vërtet një surprizë: flitet për Masimo Karrerën, ish-bardhezi, momentalisht në stolin e Spartakut të Moskës. KUJTIM FAMËKEQ - Karrera, sot 54 vjeç, pjesë e stafit juventin në epokën "Konte", nga sa bëhet e ditur, ka dhënë miratimin për një rikthim të mundshëm në Torino. Kujtohet fillimisht si mbrojtës i bardhezinjve (pa harruar edhe kohën te Barin e Atalanta), e më pas si zëvendësi që ndihmoi trajnerin aktual të Çelsit të fitonte
3 tituj kampionë radhazi me "Zonjën", por edhe për një tjetër rast... famëkeq. Ishte 1 janari i 2011-ës, mbrëmja e Vitit të Ri, dy vajza 23-vjeçare mbesin viktima (por pati edhe 11 të plagosur) të një incidenti rrugor, ku në vetë të parë u përfshi pikërisht Masimo Karrera (dhe bashkëshortja
e tij, pasagjere): po udhëtonte drejt Bergamos ku, në autostradë, me "Mercedes"-in e tij, me dritat e fikura, përplasi me forcë "Ford"-in e dy studenteve. U dënua me 2 vite e 6 muaj dy vite më pas, me akuzën e vrasjes së qëllimshme dhe, nga viti 2016, është në krye (madje,
me rezultate më se pozitive) të Spartakut. Ku, ndërkaq, po kalon një aventurë fantastike: në 69 ndeshje në pankinë, shënon në bilanc 41 fitore, 13 barazime e 15 humbjedhe ndodhet në vendin e dytë të Premier Ligës ruse, 4 pikë larg Lokomotivës që kryeson tabelën.