"Fitore e madhe e teutes, jetojime me llogari"

Trajneri i Teutës nuk ka fshehur gëzimin e fitores së djeshme, por në intervistën e dhënë për "SuperSport" pohoi se jetojnë me llogari për të arritur mbijetesën në fund.

Fitorja më e rëndësishme e sezonit?

Në këto pozita që jemi,sigurisht ka qenë një fitore e madhe, pas hapit fals me Kamzën. Skuadra reagoi, tregoi shpirt gare dhe luftoi. Autokritikë pas asaj ndeshjeje që skuadra e kujtoi të fituar me Kamzën. Pashë një skuadër që nuk kam çfarë them më shumë. Kreu të gjitha detyrat. Është vetëm një fitore, kemi edhe ndeshje të tjera të forta. Është thjesht një trepikësh.

Këtë shpirt gare, do e përsërisni që të siguroni mbijetesën?

Kjo skuadër nuk është se ka lojtarë të jashtëzakonshëm, por forca jonë është grupi. Duam të luajmë mirë dhe të marrim pikët, pasi i kemi jetike për kampionatin.

Vendose Hrkaçin në mesin e fushës, duke bërë një rol më të avancuar…

E kishim planifikuar më parë që do ishte një ndeshje e vështirë. Hrkaç ka një marrëdhënie të mirë me topin. Hila dhe ndonjë lojtar tjetër janë lojtarë që luftojnë e vrapojnë, por e justifikoi besimin tim.

Keni bërë llogari sa pikë ju duhen deri në fund për të mbijetuar?

Ne jetojmë me llogaritë. E rëndësishme është të marrim pikët tona, pastaj shohim kundërshtarët direkt. T'u bëjmë hyzmetin ndeshjeve tona.

3 gola nga mesfushorët, por i bllokuat krahët Partizanit. Edhe në sulm, me Çyrbjen dhe Alhasan, ishit mjaft aktivë…

Duke parë dhe përbërjen e skuadrës së Partizanit, duke parë që kanë lojtarë me cilësi të mirë në krah, ne kishim marrë masat tona, që të mos i lejonim hapësira kundërshtarit. Merita është e gjithë skuadrës, e kemi bërë fazën mbrojtje të gjithë. Merita është e të gjithëve.