Lika: Me Partizanin duel për Europën, fitorja 5-0 i përket të kaluarës

Trajneri ka besim se do t’ia dalë edhe pa Aleksin dhe Liçajn

Hasan Lika njihet nga të gjithë si lojtar dhe trajner i dalë nga shkolla "Partizani", por ai do të mbahet mend se si i pari i pankinës së Luftëtarit u ka shkaktuar "demave" humbjen më të thellë në histori, ku më 17 dhjetor 2017 i mundi 50 në Gjirokastër. Në daljen e djeshme para mediave, trajneri Lika ia lë të shkuarës këtë rezultat dhe sipas tij Luftëtarin e pret një ndeshje e vështirë, pasi të dyja ekipet synojnë pjesëmarrjen në Kupat e Europës, ndaj fitorja kthehet në detyrim. Lika e shikon si një duel mes të barabartësh dhe kërkon t'i sfidojë të kuqtë edhe pa Aleksin dhe Liçajn që janë të pezulluar për sot. "Me Partizanin s'do ta kemi autostradë. Partizani është skuadra më me traditë në futbollin shqiptar dhe si e tillë meriton të respektohet pafundësisht për emrin që ka skalitur dekada më parë. Jemi përgatitur seriozisht në këto ditë përgatitjeje për ndeshjen e nesërme (sotme ), natyrshëm për të marrë rezultat pozitiv. Të ndërgjegjshëm para sfidës më të vështirë në këtë fundsezoni, Tavo do gjithë jugun në stadium: Ta bëjmë festë Presidenti Grigor Tavo i kontaktuar nga "Panorama Sport" pohon se hyrja do të jetë falas në stadium, me përjashtim të tribunave A dhe B. "Ta kthejmë ndeshjen me Partizanin në një ditë feste për të arritur si asnjëherë më parë përfaqësimin në Ligën e Europës, edhe pse kemi një rrugë sa të shkurtër dhe të gjatë. Kemi mbështetjen e gjithë tifozërisë së Jugut, ndaj dhe i ftoj të na mbështesin sot. Besoj se do t'ia dalim deri në fund", tha Tavo.

si staf teknik kemi punuar intensivisht për vijimësinë e rezultateve pozitive. Partizani ka forcën dhe kualitetin e duhur për të na vënë në vështirësi. Edhe ne kemi luksin e duhur për t'u përballuar si të barabartë me të. Natyrisht, që na

duhet rezultati pozitiv, por lufta për Europën nuk mbaron me kaq. Suksesi 5-0 i dhjetorit të kaluar, që është edhe fitorja më e thellë në histori e Luftëtarit me Partizanin, i përket së kaluarës. Partizani është një ekip që lufton për Europën dhe, pavarësisht

ecurisë së fundit, i ka forcat", u shpreh fillimisht Lika.

MUNGESAT- Trajneri i Luftëtarit, Hasan Lika, e pranon shkallën e lartë të vështirësisë që paraqet ndeshja e sotme, edhe për shkak të mungesës së Liçajt dhe Aleksit, të cilët janë të skualifikuar. "Kemi ende probleme me formacionin. Na kthehet Abazaj nga pezullimi, por na mungojnë Aleksi dhe Liçaj. Është e logjikshme se kur bëhet fjalë për mungesa cilësore si Licaj dhe Aleksi, si staf teknik gjendemi në vështirësi. Gjithsesi, ne kemi në përbërje

lojtarë cilësorë për të triumfuar ndaj Partizanit. Me program më shumë se të detajuar në stërvitje në harkun e 90 minutave u ndalëm konkretisht në terren, teksa vëmendje të veçantë i kushtuam shfrytëzimit të rasteve para portës kundërshtare. Në radhët e ekipit kemi lojtarë me potencialitet dhe të gatshëm për të dhënë më të mirën. Personalisht kam besuar dhe besoj te të gjithë lojtarët që stërvis" u shpreh trajneri Lika në fund të konferencës së djeshme për shtyp. Tomor Shehu