De Vrij firmos zyrtarisht, ja plani i merkatos

Azamoah më pranë, Kanselo në rrezik (Semedo-Tomas, alternativat). Lautaro vjen në verë

Mbetet ende një ob jektiv për t'u ar ritur, dy turne dhe 180 minuta për të siguruar kualifikimin në fazën e grupeve të Ligës së Kampionëve për vitin e ardhshëm. "Luftë" pikë më pikë me Lacion, teksa Interi ndodhet -2 pikë nga bardhekaltrit: sfida direkte do zhvillohet javën e fundit të Serisë A, më 20 maj, në "Olimpico". Duel për vendin e katërt, mes dy skuadrash që përfaqësojnë të tashmen dhe të ardhmen e Stefan de Vrij: sepse mbrojtësi holandez po lufton për objektivin Champions me kryeqytetasit, por sezonin e ardhshëm do veshë ngjyrat zikaltër.

KONTRATA NË LIGË - Një goditje me parametra zero e Interit: Stefan nuk rinovoi me Lacion, e teksa skuadrat u afrohen fundit të sezonit, drejtuesit interistë japin lajmin e bukur. Sipas "Sky Sport", në fakt, është depozituar nga përgjegjësit zikaltër në Ligën italiane kontrata e Stefan de Vrij: Pesë vite, me rreth 3,8 milionë euro si pagë sezonale.

AZAMOAH KËTË JAVË - Interi po lëviz edhe në frontin Azamoah. Drejtuesit interistë po përcaktojnë detajet e fundit me mbrojtësin e majtë ganez (mendohet t'i ofrohet një kontratë trevjeçare për 3 mln në sezon) dhe brenda javës që vjen pritet të marrin "po" nga klubi bardhezi.

RAFINJA-KANSELO - Mbeten për t'u përcaktuar, në krahun tjetër, blerjet e mundshme të Kanselos e Rafinjës. Më e ndërlikuar duket situata e mbrojtësit portugez sepse Valencia nuk pranon huazime të tjera, ndaj zikaltrit duhet të derdhin 35 milionët eurot e fiksuara brenda 31 majit. E vetmja mundësi do ishte të bindin spanjollët për ta shtyrë në korrik pagesën, në mënyrë që shpenzimi të përfshihet në bilancin e 2019-s. Për momentin, megjithatë, klubi iberik bën "mur", edhe pse për portugezin kanë marrë oferta të ndryshme. Më e lehtë marrëveshja për Rafinjën (edhe klauzola e tij është fiksuar në 35 milionë euro), pasi braziliani nuk bën pjesë në planet e trajnerit katalanase, Ernesto Valverde.

SEMEDO E THOMAS - Ndërkaq, Janë dy "planet B" të zikaltërve nëse Kanselo "sfumon": gjithmonë sipas mediave italiane, po ndiqen Nelson Semedo (portugez) i Barcelonës dhe Thomas Partej (ganez) i Atletikos së Madridit (përveçse Karderabek i Hofenhaimit dhe Bruno Perez i Romës: pista, megjithatë, më të ftohta).

LAUTARO - "Vështir, thuajse e pamundur ta mbajmë deri në dhjetor: Interi ka fjalën e fundit dhe Spaleti do të ketë bash- kë me Ikardin". Një deklaratë kjo e menaxherit të Lautaro Martinez, talentit të Rasing de Avejaneda që, mesa duket, do i bashkohet Interit që këtë verë. Sulmuesi do ketë në kontratë një klauzolë prej rreth 120 milionë dollarësh dhe mund të luas edhe si sulmues krahu.