Racizmi i grekëve, sulmohen Kaçe dhe Eleni Fureria

Përfaqësuesi i "Agimit të Artë" deliroi racizëm të hapur

Shqiptarët në Greqi vazhdojnë që të përbëjnë lajm dhe jo vetëm në sferën ku ata mund të jenë protagonistë, por vazhdojnë të jenë një shënjestër e racizmit edhe në politikë, madje drejtpërdrejt nga salla e senatit. Është diskutuar dje në parlamentin grek miratimi i Memorandumit të Bashkëpunimit të dy ministrive të Jashtme për...

hqiptarët në Greqi vazhdojnë që të për bëjnë lajm dhe jo vetëm në sferën ku ata mund të jenë protagonistë, por vazhdojnë të jenë një shënjestër e racizmit edhe në politikë, madje drejtpërdrejt nga salla e senatit. Është diskutuar dje në parlamentin grek miratimi i Memorandumit të Bashkëpunimit të dy ministrive të Jashtme për përshpejtimin e procedurave të integrimit të Shqipërisë në Bashkimin Europian, drafti ligjor, por në këtë interpelancë ka pasur një reagim tepër të ashpër kundrejt shqiptarëve. Deputeti i "Agimit të Artë", Ilias Kasidhiaris, nuk ka ngurruar të japë një spektakël të vërtetë shpërthimi racist, duke iu referuar dhe pjesëmarrjes së Eleni Fureiras në "Eurovizion", si dhe nuk la pa përmendur rastin e mesfushorit të Kombëtares kuqezi, Ergys Kaçe, i cili para disa vitesh, pozoi me fanellën e UÇK-së (për këtë foto të futbollistit që daton në shtator të vitit 2013, futbollisti u dënua nga klubi i tij, PAOK ILIAS KASIDHIARIS Deputeti grek për një periudhë të pacaktuar). Qëndrimi i ashpër i Kasidhiarisit ka bërë bujë në median vendëse, ku shumë organe e dënuan haptazi deklaratën dhe urrejtjen e tij. "Ju e shihni kush janë shqiptarët. Merrni rastin e Eurovizionit, reklamojmë një këngëtare që nuk thoshte se ishte shqiptare... Dhe të gjithë këta lamashët futbollistë e këngëtarë sapo bëjnë parà fillojnë të veshin bluzat e UÇKsë dhe të bëjnë simbolet e Shqipërisë së Madhe. Le të shkojnë aty ku ishin askush e nuk kishin këpucë në këmbë. Asnjë bisedë për shqiptarët, asnjë negociatë, derisa të ndalojë politika antigreke e qeverisë shqiptare. Ne, përfaqësuesit e 'Agimit të Artë' kërkojmë që të mos vijohet asnjë diskutim për sistemin e qeverisë 'Rama' dhe për integrim në Bashkimin Europian të shqiptarëve", përfundoi delirin racist deputeti i Agimit të Artë dje në parlament.