Përgatitjet nisin me mungesa të shumta, alarm dëmtimesh
Ngjeshjet e kalendarit bëjnë që të mos ketë kohë për pushim te Partizani. Gjatë pasdites së djeshme, të kuqtë kanë nisur përgatitjet për ndeshjen e radhës, ku të dielën presin Vllazninë në kryeqytet, takim i cili do të luhet në orën 17:00. Përgatitjet kanë nisur me probleme të mëdha, pasi trajneri Dalipi ka pasur në dispozicion një grup të cunguar lojtarësh. Me shumë mundësi, stafi do të ketë probleme për këtë sfidë, por sot pritet që të shikohet më qartë situata e lojtarëve që dje patën probleme. Besart Abdurrahimi nuk u grumbullua për Luftëtarin për shkak të problemeve shëndetësore, të cilat e kanë lënë edhe dje larg ekipit. Mësohet se sulmuesi po kalon një virozë me temperaturë të lartë. Milan Kulum dhe Lorenc Trashi kanë qenë prezentë në ambientin stërvitor, por nuk janë përgatitur për shkak të dëmtimeve që morën në Gjirokastër. Kapiteni Batha, i cili është i pezulluar për këtë javë, u përgatit i diferencuar, pasi edhe ai kishte një problem fizik. Portieri Alban Hoxha nuk ishte fare dhe u tha se ka marr leje LORENC TRASHI
(i dëmtuar) MILAN KULUM
(i dëmtuar) BESART ABDURRAHIMI
(i sëmurë) ALBAN HOXHA
(me leje) EMRAN RAMADANI
(me leje)
në klub. Emran Ramadani mungon prej disa ditësh, pasi ka marrë leje për një problem për të qenë pranë familjes në Maqedoni. Lajm i mirë ishte rikthimi në stërvitje i Telushit, i cili të martën pati një përplasje me trajnerin Dalipi. Lojtarët që kanë qenë titullarë në Gjirokastër, kryen një seancë të lehtë, ndërsa pjesa tjetër e mori të plotë ngarkesën, deri në momentin ku shpërtheu sherri mes trajnerit dhe Çanit.