Alla e Frashëri mbyllin sezonin
Austriaku Pakult me “laps në dorë”, raport të detajuar për çdo futbollist të skuadrës
M
ë shumë se hum bja e trepikëshit ndaj Teutës, ajo që shqetëson stafin teknik dhe drejtuesit e Kukësit është dëmtimi i dy futbollistëve. I pari ishte Albi Alla, i cili pas përfundimit të pjesës së parë nuk doli më në fushën e lojës. Të gjithë të pranishmit menduan se zëvendësimi i Allës me Hoxhën erdhi si ndëshkim i stafit teknik, për shkak të gabimeve në dy golat e parë të Teutës. Latif i shpëtoi mbulimit Allës dhe shënoi golin e parë, por dhe te goli i dytë ku qendërmbrojtësi i Kukësit shkaktoi penallti, të cilën e fitoi pikërisht Latif. Por, "Panorama Sport" mëson se nuk ka qenë shkaku i paraqitjes jo të mirë të Allës, por një dëmtim që do e mbajë gjatë larg fushave, të paktën një muaj. Alla ka pësuar tërheqje muskulore, e cila është konfirmuar dje nga ekzaminimet përkatëse. 25-vjecari ka vuajtur këtë sezon, pasi disa dëmtime të njëpasnjëshme nuk e kanë lejuar që tregojë më të mirën e tij. Ai ka luajtur vetëm 20 takime në kampionat këtë sezon duke qëndruar 1592 minuta në lojë.
PORTIERI - I dyti është gardiani Stivi Frashëri, i cili u dëmtua te goli i tretë i shënuar nga Teuta. Në aksionin e golit, Frashëri është përplasur me njërin prej lojtarëve kundërshtarë dhe doli i dëmtuar nga fusha. Njëlloj si shoku i skuadrës së tij Alla, dhe Frashëri ka humbur sezonin. Dëmtimi është më i rëndë nga sa u duk, pasi portieri ka thyer bazën e gishtit të madh të dorës së majtë. Të paktën 4 javë do i duhen dhe Frashërit të rikuperohet. Korçari ka luajtur 8 ndeshjet e fundit si titullar te Kukësi duke i zënë vendin Koliçit. 27-vjecari ka pasur një formë mjaft të mirë në këto ndeshje të luajtura, ku Kukësi ka arritur plot 6 fitore, 1 barazim e vetëm 1 humbje, atë ndaj Teutës.
TRAJNERI - Kukësi pret në shtëpi këtë javë Luftëtarin, ndaj të cilëve verilindorët do kërkojnë me patjetër fitoren, pavarësisht se dhe pse me barazim ata arrijnë matematikisht vendin e dytë, i cili mund të rezultojë i artë, për shkak të një dënimi të mundshëm përfundimtar ndaj Skënderbeut. Drejtuesit nuk e kanë përtypur humbjen në Durrës dhe e kanë kritikuar disa prej lojtarëve titullarë për formën dhe ndeshjen jo të mirë që zhvilluan ndaj Teutës. Pakult është me letër e laps në dorë për shumicën e futbollistëve, të cilët po i vëzhgon me detaje e në fund do ketë një raport përfundimtar për gjithsecilin.
Stivi Frashëri