Kaos për Nojerin, Lëv në luftë me kohën

Rumenige: Shëndeti i Nojerit është më i rëndësishëm

Ado të refuzojë në fund Manuel Nojer personalisht për të shkuar në Botëror? Kjo pyetje po shtohet çdo ditë e më shumë. Kaq konfuz nuk është parë kurrë më parë portieri më i mirë i Gjermanisë në vitet e fundit. "Po mendoj stërvitje pas stërvitje dhe terapi pas terapie", iu përgjigj ai pyetjes nëse do të luante në fundjavë kundër Shtutgartit në ndeshjen e fundit të kampionatit. Një aktivizim që do t'i jepte atij minutat e nevojshme. "Nuk ka asnjë të re", u shpreh 32-vjeçari, kapiteni i skuadrës së Bajernit të Mynihut. E sigurt është që të shtunën ai nuk është grumbulluar nga trajneri Jup Hejnkes për sfidën e radhës. Këtë e tha vetë 72vjeçari, në një deklaratë për rastin e ditëlindjes së tij ditën e mërkurë, në praninë e gazetarëve dhe tifozëve. Joahim Lëv nuk do të ketë mundësinë ta shohë Nojerin në ndeshjen e fundit të Bajernit në këtë kampionat. Një tjetër mundësi e humbur për portierin. Por Hejnkes dha shpresë për një aktivizim të mundshëm në finalen e kupës së Gjermanisë. "Për finalen e Berlinit nuk kemi marrë ende asnjë vendim", deklaroi Hejnkes.

Rumenige- Fjala e fundit duket se i takon trajnerit Lëv, pasi portieri vetë nuk është i qartë për situatën. Por Rumenige mendon se ka gjëra të tjera më të rëndësishme sesa të kalojnë në spekulim mbi gjendjen e tij. "Rëndësi ka që Manuel Nojer të jetë mirë me shëndet. Ai duhet të jetë i vetëdijshëm për formën e tij",tha shefi i bordit bavarez, të mërkurën gjatë ceremonisë në bashkinë e qytetit, ku Bajerni ishte i ftuari nderit. Gjatë aktivitetit në qendrën e qytetit, Manuel Nojer qëndronte pothuajse i fshehur në një cep të podiumit. Larg syve të tifozëve, që kishin ardhur për të festuar këtë nderim me

skuadrën e tyre. Ai ishte i fundit në radhë që foli në podium, kjo sipas protokollit zyrtar të organizatorëve.

Botërori- Ndërkohë, për sa u përket lojtarëve që Lëv mund të grumbullojë në kombëtare, ata janë 20 lojtarë fushe dhe tre portierë. Një total prej 35

lojtarësh duhet të paraqesë trajneri FIFA-s deri më datë 14 maj. Menaxheri i ekipit, Oliver Birhof, tha para disa ditësh se: "'Dedline'" i fundit është 4 qershori, ku duhet të nominojmë edhe 23 lojtarët që do të luajnë në Botëror". Pra, Lëv mund ta grumbullonte Nojerin, edhe pa i kushtuar rëndësi faktit që ai ka apo jo minuta në këmbë. Ai do të ketë mundësinë ta monitorojë lojtarin personalisht në grumbullimin e skuadrës në Tirolin e Jugut dhe më pas të vendosë nëse do ta aktivizojë në miqësoren e datës 2 qershor në Klagenfurt ndaj Austrisë. Duket se ky do të jetë një vendim shumë i vështirë për të tri personazhet. Nojer, Hejnkes dhe Lëv duhet t'i bëjnë llogaritë mirë në fund, për të mos pasur surpriza jo të këndshme në fund. Në lojë është trofeu më i rëndësishëm i planetit. Kupa e Botës mund të mbrohet nga skuadra gjermane.