Hysaj akord me PSG, gati transferimi
Livio Varriale: Mbrojtësi shqiptar do të largohet nga Napoli për rreth 30 mln euro
ezoni edhe nuk ka përfunduar dhe mer kato e transferimeve nuk është hapur. Mirëpo, ka shumë skuadra, të cilat janë hedhur në veprim për të piketuar dhe prenotuar afrimet e nevojshme. Së fundmi, Elseid Hysaj është përfshirë në vorbullën e lajmeve rreth merkatos, për transferim dhe ndjekje nga shumë skuadra prestigjioze. Megjithatë, dje, është dashur një postim në rrjetet sociale nga një gazetar italian, që të ndryshojë i gjithë kursi për të ardhmen e shqiptarit.
NJOFTIMI - Gazetari Livio Varriale ka shpërndarë një informacion rreth së ardhmes së mbrojtësit të Kombëtares shqiptare të futbollit. Themeluesi i portalit informativ "Julie Italia", i rajonit të Kampanjës, zonë që përfshin edhe Napolin, është i bindur se shqiptari do të luajë dy ndeshjet e fundit me napolitanët dhe se destinacioni i tij do të jetë skuadra parisienë. "Hysaj është shitur te PSG", ky ishte komenti i parë që bëri gazetari në llogarinë e tij në "Twitter". Duke shtuar të tjera të dhëna, ai vijon: "Kam informacionet e mia se mbrojtësi do të largohet nga Napoli në fund të sezonit. Bëhet fjalë për një transferim që ka kushtuar përafërsisht 30 milionë euro", ka shkruar gazetari italian. Ndonëse portali i tij mund të mos ketë besueshmëri në rang kombëtar në Itali, ato që e kanë shpërndarë këtë lajm i kanë dhënë atij jehonë në të gjithë gadishullin Apenin. Kanë qenë portalet pranë skuadrës së Napolit, që e kanë shpërndarë këtë informacion, duke hedhur vërtet hije dyshimi rreth një të ardhmeje të mundshme të shqiptarit në Francë. Në Francë, shqiptari do të gjente Daniel Alvesh, megjithatë mosha e tij mund të jetë një asist për shqiptarin, duke qenë se braziliani mund të mos përballojë ritmet maksimale për t'i luajtur të gjitha ndeshjet në të gjitha kompeticionet. Por, Hysaj ka një të dhënë specifike, që mund të jetë shtysë për këtë transferim. Mbrojtësi i Kombëtares mund të luajë me lehtësi dhe me të njëjtën performancë edhe në të majtë, ku Kurzaua aktivizohet momentalisht dhe që është në skadim të kontratës.