Panuçi premton: Shqipëria do shkojë në Europian
"Kemi një grup të vështirë, por mund t'ia dalim. Mançini, i duhuri për axurrët"
Ka kaluar shumë pak kohë nga mo menti kur Kristian Panuçi mori drejtimin e Kombëtares shqiptare dhe duket se nuk është penduar për këtë zgjedhje. Italiani flet për "Sky Sport" dhe tregon seriozitetin dhe kënaqësinë për të punuar në Shqipëri. Ai tregon shanset që kanë kuqezinjtë për të shkuar në Europian dhe beson se mund t'ia dalë. Panuçi analizon gjithashtu zgjedhjen e Mançinit tek Italia dhe kampionatin italian.
Shqipëria- "Punoj në një federatë serioze dhe kam një skuadër shumë të mirë. Grupi i kualifikueseve për në Europian është i vështirë, por mund t'ia dalim. Jam shumë i lumtur nga presidenti dhe nga grupi, me të cilin punoj. Gjithçka është e jashtëzakonshme".
Champions- "Reali është favorit, por nëse i lë hapësira, Liverpuli të ndëshkon".
Skudeto- "Përtej episodeve që kanë ndodhur, Sarri e ka thënë vetë që Juventusi është skuadra më e fortë. Kanë një buxhet superior në krahasim me të tjerët. Fitojnë prej vitesh, por të tjerët janë afruar".
Roma- Juve- "Pres një ndeshje të vërtetë. Roma duhet të vazhdojë këtë moment të rëndësishëm dhe ka krijuar një imazh shumë pozitiv, por Juventusi kërkon të mbyllë llogaritë. Pres një ndeshje të bukur dhe spektakolare".
Di Françesko- "Të drejtosh një skuadër pas Spaletit nuk është kurrë e lehtë, madje as të dalësh nga momentet e vështira. Por, ai ia doli në mënyrë perfekte me një punë të shkëlqyer. Jam i lumtur për të sepse është një njeri serioz".
Mançini- "Ai ka shumë eksperiencë nëpër Europë dhe e njeh mirë kampionatin italian. Është një trajner praktik për kombëtaren, ku ke pak kohë për të punuar. Nëse do të jetë ai trajner, mendoj se është zgjedhja e duhur e Italisë".