Pezull çështja e fushës

Ende e pazgjidhur çështja se ku do të luhet me Partizanin edhe pse ditët ikin. Drejtuesit po presin kthimin nga Turqia të administratorit Idrizi për të vendosur nëse do të paguhet ose jo dënimi i fushës. Drejtuesit e Flamurtarit dëshirojnë që takimi të luhet në Ballsh, nëse do të jetë dakord edhe Partizani. Por, si një mundësi mbetet edhe stadiumi i Elbasanit. Burime pranë klubit vlonjat thanë dje për gazetën se janë të mëdha shanset që ndeshja të luhet në Vlorë për shkak se është e fundit në shtëpi për këtë sezon dhe ekipi të jetë përballë tifozëve.