Mjekët dyshues, nuk kaloi vizitat mjekësore

Kamer Qaka udhëtoi të martën drejt Bukureshtit për të takuar presidentin e Steauas së Bukureshtit, ku edhe u diskutuan detajet e transferimit. Mirëpo, dje ishte dita e finalizimit dhe e kryerjes së vizitave mjekësore. Në mëngjesin e ditës së djeshme, kur edhe ishin rezervuar vizitat mjekësore, teksa shqiptari po u nënshtrohej kontrolleve, mjekët nuk janë bindur për t'i dhënë atij konfirmimin për transferimin tek ekipi i ri. Qakës iu kërkua që të kryente edhe një herë testet mjekësore rreth mesditës dhe, për fat të mirë, gjithçka rezultoi në rregull. Me firmën nën kontratë, Qaka është futbollisti më i ri i Steauas së Bukureshtit, e cila do të marrë pjesë në kompeticionet europiane.