Lahm: Nuk kthehem prej Hënesit
Ish-kapiteni i Bajernit, Filip Lahm, ka shpjeguar për "Bild" pse refuzoi të pranonte një post drejtuesi te kampionët e Gjermanisë. "Mendoj se Uli Hënes është akoma në gjendje të drejtojë skuadrën. Ai kërkon t'i bëjë vetë gjërat. Dhe ka gjithë të drejtën për ta bërë sepse ka dhënë shumë për Bajernin. Por, unë jam vetëm 34vjeç dhe mund të rikthehem një ditë në klub. E kam menduar një gjë të tillë", u shpreh ish-kapiteni i bavarezëve, që momentalisht është punësuar si analist te kanali televiziv kombëtar "ARD" dhe do të jetë në Rusi për të komentuar rreth ecurisë së përfaqësueses gjermane në turneun më të rëndësishëm të planetit. Kjo deklaratë e tij nuk është e para. Lahm ka shigjetuar edhe më parë presidentin Hënes. Me sa duket, ai nuk do të rikthehet te Bajerni për sa kohë të jetë në atë rol presidenti aktual që kreu 18 muaj burg nga 3 vjet që u dënua, pasi u akuzua për mosdeklarim të ardhurash, duke kryer transferime financiare në Zvicër, shuma që shkonin deri në 30 milionë euro në total.