"Diego është me ne", Bjellorusia në ekstazë

Aventura e re e Diego Armando Maradonës është zyrtarizuar: pas lamtumirës nga Emiratet e Bashkuara Arabe dhe Al-Fujairah, me të cilën ai arriti të ngjitej në Ligën e Emirateve të Bashkuara Arabe, trajneri argjentinas u transferua në Bjellorusi. "Dora e Zotit" firmosi një kontratë me Dinamon e Brestit. Legjenda nuk do të jetë vetëm trajneri i klubit që militon në elitën e futbollit bjellorus dhe që ka fituar dy Kupa dhe një Superkupë, por do të mbulojë edhe rolin e presidentit. Ai do të ndihmohet në detyrën e tij të re nga asistenti Stefano Çeçi. Klubi po investon fuqishëm për të synuar titullin kampion, por edhe Kupat e Europës. "Po, Diego është me ne", shkruante në zyrtarizimin e lajmit të firmosjes së kontratës 3-vjeçare klubi bjellorus: "Futbollisti legjendar do të kujdeset për klubin duke nisur nga akademia". Maradona do ta nisë detyrën e pas finales së Botërorit.