Milani kërcënon: UEFA na dënoi, faj i Berluskonit
“Çështja u kalon avokatëve, ndëshkohemi për të kaluarën”
Kur mori lajmin për re fuzimin nga UEFA, Marko Fasone ishte në zyrat e Ligës, duke u marr me të tjera çështje, teksa thellë në zemrën e tij shpresonte se të tjera të reja të vinin nga Nioni. Ndëshkimet priteshin, administratori e kishte pranuar edhe vetë. Ajo që erdhi si një rrufe në qiell të hapur ishte refuzimi i "projektit" kuqezi nga institucioni më i lartë futbollistik në Kontinentin e Vjetër.
REAGIMI- Një thënie e vjetër thotë: "Pyetjet janë legjitime, ndërsa përgjigjet mirësjellje". Në bazë të këtij aforizmi vjen edhe komenti i Milanit nëpërmjet vetë Fasones që deklaroi: "Vendimi i UEFA-s më shtangu, po aq sa edhe më hidhëroi. Mendoja se plani ynë do të miratohej, edhe sepse kështu ka ndodhur gjithmonë që kur ekziston 'Fair Play Financiar'. Precedenti i vetëm i një refuzimi ka të bëjë me një klub rus, që nuk i përket elitës. Herën e parë kërkesa jonë u rrëzua sepse 165 milionë eurot e ofruara si garanci nuk mjaftonin. Tani UEFA thotë se nuk mund të na japë 'bekimin' e saj sepse nuk kemi shlyer ende huanë ndaj Fondit Elliot, ndërkohë që janë vetë këta të fundit që kanë dalë garantë për Milanin edhe në formë të shkruar. Presidenti Jonghong Li deri më tani i ka shlyer me korrektesë të gjitha detyrimet, por edhe ky aspekt nuk u përfill".
VLERËSIME- Fasone ka të drejtë kur thotë se nuk ka ndodhur që një klub të refuzohet
dy herë, madje ka qenë vetë UEFA që i ka ndihmuar klubet, duke i ofruar marrëveshje "dobie" reciproke. Kjo është edhe pjesa që bezdis më së shumti administratorin kuqezi që vijoi sqarimin e tij: "Zhgënjimi im është i madh sepse përgatitëm një dosje ashtu siç na u kërkua.
Që nga ky moment, avokatët tanë do të analizojnë motivet e refuzimi sepse është shumë e nevojshme që Milani të marrë një pozicion të qartë. Refuzimi dëmton rëndë imazhin. Si drejtues ju garantoj se klubin e kemi menaxhuar në mënyrë absolutisht të shëndetshme, duke kryer
të gjitha detyrimet tona".
E ARDHMJA- Te Milani që në ditën e djeshme kanë nisur lëvizjet e para në kuadrin e planifikimeve. Masat shtrënguese që do të zbardhen më 4 qershor, do të lejojnë qartësimin e situatës dhe ndoshta krijimin e një
plani alternativ, në rast se UEFA refuzon marrëveshjen. Me sanksionet që variojnë nga një gjobë prej 20 milionë eurosh e deri te përjashtimi nga kompeticionet, Marko Fasone është i detyruar të ketë një projekt alternativ. "Kemi besim në vendimet e ardhshme të UEFAs,
edhe sepse shkeljet që i faturohen Milanit kanë të bëjnë me trevjeçarin 2014- 2017, kohë kur klubi kishte tjetër pronar (Berluskoni). E ritheksoj, refuzimi na ka hidhëruar sepse mendoj se meritonim pranimin e dosjes sonë", mbylli deklaratën e tij Fasone.