Tomori konfirmon Arbrin në stol

Priten afrime të rëndësishme në merkaton e verës, do synohet ngjitja në elitë

Tomori konfirmon Gersi Arbrin edhe për sezonin e ardhshëm. Skuadra do të vazhdojë të drejtohet nga trajneri i ri edhe në sezonin tjetër, pas një gjysmëkampionati të suksesshëm. Arbri e mori drejtimin e skuadrës në fillim të pjesës së dytë të sezonit dhe bëri një paraqitje shumë të mirë. Tekniku i ri afroi në skuadër futbollistë të talentuar, në një kohë që diti të harmonizonte siç duhet titullarët me eksperiencë me lojtarët e rinj që u bënë pjesë e ekipit. Drejtuesit duket se kanë mbetur shumë të kënaqur nga puna që ka bërë Arbri në krye të skuadrës gjatë kësaj periudhe dhe kanë vendosur që ta konfirmojnë edhe për sezonin e ri. Së bashku me ndihmësin e tij, Kela Agalliu pritet që të ndërtojnë grupin për kampionatin e ardhshëm. SKUADRA

Burimet bëjnë të ditur se një pjesë e mirë e futbollistëve të Tomorit do të vazhdojnë të qëndrojnë në ekip edhe për sezonin e ri. Gjithashtu, shumica e lojtarëve të rinj që kanë spikatur me paraqitjet e tyre në kampionatin e fundit, do të vazhdojnë të veshin fanellën e skuadrës beratase edhe në vazhdim. Arbri e ka të qartë se cilët lojtarë do të

mbajë sërish me Tomorin edhe në kampionatin e ri. Ndërkaq, disa prej titullarëve të skuadrës në sezonin e fundit kanë rënë në sy dhe janë pikasur nga ekipe të Superiores dhe Kategorisë së Parë. Për disa ka pasur edhe oferta konkrete, por që deri tani nuk

është zyrtarizuar asgjë. Duke parë që mund të ketë largime, drejtuesit së bashku me stafin kanë nisur të mendojnë për zëvendësuesit. Pritet që në ditët në vazhdim të ketë hapa konkretë në lidhje me lojtarët që do të kërkohen të afrohen në ekip. Burimet pranë klubit

kanë saktësuar se synimi i skuadrës për sezonin e ardhshëm do të jetë ngjitja në Superiore. Beratasit i mungojnë elitës prej pesë sezonesh dhe tashmë që kanë edhe një stadium të rikonstruktuar, do të kërkojnë që të rikthehen mes ekipeve më të mira.