Kamberaj e mbyll me gafë, Rrethi Çiklistik fitohet nga italiani Mikele Gazarra
Etapën e pestë e fiton Haeni, shfrytëzoi gabimin e shqiptarit që përshëndeste publikun
Rrethi i 75- të Çiklistik i Shqipërisë ka ulur siparin nën reshjet e shiut në qytetin sportdashës dhe me traditë të Fierit, i cili ka ofruar edhe 16 fitues të pedalimit. Etapa ka kaluar nëpërmjet rivierës tonë të mrekullueshme për të prerë shiritin më pas në Fier. Çiklistët e kanë nisur garën e fundit të këtij rrethi, SarandëFier, tepër të mobilizuar dhe me synimin për të arritur rezultate të larta dhe për të zënë një vend sa më të mirë në klasifikim. Ata fillimisht kanë pedaluar në grup, pavarësisht shkëndijave individuale të çiklistëve për t'u shkëputur. Por, ata shumë shpejt arriheshin nga shokët e tyre dhe gara bëhej më e bukur dhe interesante, sa më shumë i afrohej fundit, ku si gjithmonë ata që kryesonin ishin çiklistët italianë të ekipit Sanxhemini Vis Vega. Ndërkohë, pedaluesit shqiptarë arritën ta përballojnë mjaft mirë ritmin e lartë dhe kërkojnë t'i suprizojnë ata. Në hyrje të Fierit, pikërisht në Qafën e Koshovicës, gara fiton ritëm të lartë edhe pse çiklistët ruajnë mirë njëritjetrin. Arritja në finish, edhe pse në një terren të rrëshqitshëm nga reshjet e shiut ishte e bukur dhe emocionuese. Në metrat e fundit është çiklisti shqiptar, Xhuliano Kamberaj, që i drejtohet finishit i sigurt. Por, një humbje përqendrimi në sekondat e fundit, një ngritje dore për të përshëndetur të afërmit dhe sportdashësit e shumtë fierakë, të cilët kishin mbushur dy anët e rrugës për të pritur
Fituesit e etapës së pestë atë, bëri që ai të kalohej në finish vetëm gjysmë rrote nga rumuni Mark Haeni, i cili ishte edhe fituesi i etapës së fundit, duke lënë në vend të dytë Kamberajn. Në përfundim të kësaj etape dhe Rrethit të 75- të të Shqipërisë, pedaluesit janë
përshëndetur nga presidenti Federatës Shqiptare të Çiklizmit, Skënder Anxhaku si dhe kryebashkiaku Armando Subashi, të cilët në fjalën e tyre folën me superlativa për zhvillimin e këtij evenimenti. Një falënderim i veçantë i shkoi
policisë për masat fantastike të marra për mbarëvajtjen e turit. Dhe për ta mbyllur sa më miqësisht këtë javë të suksesshme të çiklizmit në Shqipëri, kryebashkiaku i Fierit, Armando Subashi, shtroi një drekë për pjesëmarrësit. Bujar Rama