Juventusi “i përgjigjet” Napolit, plan 230 milionësh për merkaton
Xhan, Darmian dhe Perin do të jenë tri asat e rinj të bardhezinjve
Një merkato prej 225 milionë eurosh. Juvenutsi i lëshon menjëherë sfidën dhe i përgjigjet Napolit, që ka ngritur "stekën" e ambicieve duke emëruar trajner Karlo Ançelotin. Plani është i qartë: kampionët e Italisë duan të ruajnë hegjemoninë, duke konfirmuar në majat e futbollit italian e njëkohësisht duke synuar Ligën e Kampionëve: gjithë këto, përmes një "rinovimi" që po parashikohet gjithmonë e më i thellë për t'i dhënë jetë një cikli të ri fitues, me Masimiliano Alegrin gjithmonë në "timon", siç është konfirmuar. Mund të synohen 7-8 afrime, sipas traditës: do të thotë që klubi do kërkojë një "miks" mes kampionëve dhe talenteve që më vonë të shndërrohen në protagonistë. Asnjë "marrëzi", gjithçka do përfshihet brenda bilanceve ekonomike. "Kemi nisur bisedime të rëndësishme", siguroi administratori i deleguar, Bepe Marota.
TRIS ASASH - Si hap i parë ( pasi i janë bashkuar grupit Kaldara e Spinacola), parashikohen pagesa e Duglas Kostës; ëndrrat mbeten Morata (për sulmin), Kovaçiç (mesfushë) dhe Hoze Gimenez (Atl.Madrid) e më pas sulmi vendimtar për një tris asash: që u përgjigjet emrave të Emre Xhan, Darmian e Perin. Një mesfushor, një mbrojtës dhe një portier për të "blinduar" rolet që kanë më shumë nevojë. I
pari pritet të zyrtarizohet së shpejti: 10 ditë është harku kohor i parashikuar nga Marota, që domethënë: pas finales së Ligës së Kampionëve (luhet sot), çdo ditë konsiderohet e duhura për të konfirmuar goditjen e madhe me parametër zero.