Penallti dhe skemë perfekte, Shqipëria mposht sërish Kosovën

* Të besuarit e +ogdanit triumfojnë në "vëllazërore"

Shqipëria ka mundur në takimin miqësor ekipin e Kosovës, 2-1. Një takim që është shoqëruar me rivalitet. Në momentin e ekzekutimit të himnit kombëtar të Shqipërisë, edhe lojtarët e Kosovës kanë vendosur dorën në zemër. Pjesa e parë ka qenë më e vakët, përsa u përket rasteve për shënim dhe rivaliteti ka qenë në mesin e fushës. Në minutën e 39- të, pas një kombinacioni të bukur, një skemë e provuar në goditje standarde ka bërë që Pasha të shfaqet brenda zonës duke goditur saktë për të shënuar golin e avantazhit për Shqipërinë. Pjesa e dytë ka qenë më e bukur dhe më me shumë raste. Miqtë kërkojnë me anë të Hysenit, por pa gjetur golin. Pas një aksioni të rrjedhshëm në minutën e 65-të, ka qenë dyshja MemajLimani që kanë sjellë barazimin, 1- 1. Në të 78- tën, topi i goditur nga kapiteni Rama gjen dorën e njërit prej futbollistëve miq. Gjyqtari shkodran Myrtja ka akorduar 11- metërsh. Ekzekuton Nezha dhe 2- 1. Miqtë kërkojnë golin e barazimit, por mbrojtja me dy shtatlartët Isufi e Kalaj, neutralizojnë. Ndërsa nga ana tjetër, portieri mik Gashi, i ka mohuar të drejtën e golit Karicës me një grushtim akrobatik në minutën e 84- t.

BOGDANI- "Këto dy takime miqësore na vlejtën shumë. Mendoj se kemi bërë një ndeshje të mirë.

Ka lojtarë të kampionatit shqiptar dhe ne kemi marrë ato që janë më në formë. Në këto dy takime ka luajtur Isufi, lojtar shkodran që ka luajtur edhe me ekipin e parë të Vllaznisë . Çdo lojtar që paraqitet mirë te skuadra e vet, është i mirëseardhur në ekipin kombëtar", ka deklaruar Erjon Bogdani. Admir Uruçi