Zbardhet plani i Fondit “Elliot” për Milanin: Përforcim i klubit dhe shitje brenda dy vitesh
Alternativa amerikane, Jonghong Li si Erik Tohir tek Interi
Pas dy javësh UEFA do të zbardhë vendimet e saj për të ndëshkuar Milanin. Nga një paralajmërim i thjeshtë e deri te përjashtimi nga kompeticionet europiane, hapi është shumë më i vogël sesa mund të imagjinohet. Teksa Jonghong Li përpiqet të gjejë rifinancues për borxhin e tij ndaj Fondit "Elliot", këta të fundit me sa duket po lodhen së mbështeturi manjatin kinez. Amerikanët kanë garantuar mbështetjen e tyre, por nuk dihet gjatësia e saj, teksa UEFA vazhdon të mos marrë për bazë dokumentet e tyre.
PLAN I RI- "Calcio e FInanca", duke cituar disa burime të saj, në numrin e djeshëm fliste për një strategji të re nga Shtetet e Bashkuara. "Elliot", duke parë vështirësitë e presidentit Li, po studion mundësinë për të mbajtur Milanin. Fondi, duke mos parë t'i shlyhet huaja (360 milionë euro), po mendon të marrë klubin dhe të investojë. Strategjia e re përfshin një afat 24-mujor, gjatë të cilit kuqezinjtë mund të rriten financiarisht dhe në nivel sportiv për t'i shitur më pas me një vlerë më të lartë tek ofruesi më i mirë.
ALTERNATIVA- Duke pasur parasysh se janë thjesht zëra, një mundësi tjetër është shitja e menjëhershme e Milanit, duke detyruar Jonghong Li të firmosë për ofruesin më të mirë. Në garë janë Merryl Lynch dhe Stiven Ros, me këtë të fundit të avantazhuar, duke
parë edhe përvojën në fushën e sportit si pronar i skuadrës së futbollit amerikan "Miami Dolphins.". Në këtë rast, "Fondi Elliot" do të shihej t'i likuidohej borxhi ndaj Jonghong Li, teksa ky i fundit do të ishte te Milani në një pozicion të ngjashëm me atë të Xhuzepe La Skala është shumë i acaruar me presidentin e Milanit, Jonghong Li. Në një deklaratë për media lidhur me situatën e kuqezinjve, kryetari i Bashkisë së Milanos deklaroi: "Jonghong Li e ka futur Milanin në një situatë jo fort komode. Bën mirë të sistemojë sa më shpejt gjërat ose të largohet. Historia e një klubi të lavdishëm nuk mund të njolloset kështu dhe të mos paguajë askush. Dëmet e imazhit janë shumë më të mëdha sesa ato ekonomike dhe kjo nuk është e tolerueshme".
Erik Tohir te kushërinjtë e Interit. Indoneziani aktualisht gëzon 30 përqind të aksioneve të Interit dhe me një rivlerësim të Milanit, aq do të vlente edhe pjesa e Mr.Li te kuqezinjtë, me Marko Fasonen që do të ruante rolin e administratorit të deleguar.