Revolucioni “Lautaro” tek Interi, Valero: Me Ikardin gaboi Sampaoli

Kapiteni “pret” bashkëkombësin, spanjolli e mbron

autaro Martinez është blerja më e re e Inter it, por me siguri që nuk do të jetë e fundit. Pas presionit të fanellës, e sidomos të asaj me numër 10, argjentinasi do të duhet të përshtatet sa më shpejt me realitetin e ri për të mos u kthyer në një "Gabigol". Që nga gjuha e deri te ambientimi, problemet nuk do të jenë të pakta, por për një që ka ndier shijen e Libertadoresit dhe "Bombonerës" si armik, misioni nuk duket i pamundur.

SKEMAT- 20- vjeçari i ardhur nga Rasing Avezhaneda është një investim kolosal i Interit, që në klauzolën e djaloshit ka vendosur plot 111 milionë euro. Nëse vlen 1 milion euro më shumë se Ikardi, kjo do të shihet, por fakti që Auzilio e vlerëson kaq shumë, rrit pritshmëritë ndaj tij. Përveç shpagimit të investimit, Lautaro duhet të dëshmojë aftësitë e

tij ofensive. Luçiano Spaleti mund të ruajë modulin e sezonit që sapo u mbyll (4-2-3-1) me sulmuesin e sapoardhur në një nga pozicionet e treshes që do të veprojë pas Ikardit. Shpejtësia, teknika dhe nuhatja e 20-vjeçarit mund të jenë gjithashtu shkas për të kaluar në 4-3-1-2 ku ardhja e një fantazisti, më shumë se nevojë, do të bëhej e detyrueshme.

IKARDI&CO- Ndërkohë që Spaleti "mendon" për skemat, kapiteni Ikardi kryen zakonet e shtëpisë. Nëpërmjet një postimi në "Instagram", sulmuesi i ka uruar mirëseardhjen bashkëkombësit: "Mirë se erdhe Lautaro Martinez. Të uroj më të mirën në këtë etapë të re, me këto ngjyra të mrekullueshme". Nga burim urimesh në temë diskutimi, kapiteni zikaltër që nuk është thirrur në kombëtaren e Argjentinës. Në mbrojtje të tij ka dalë Borha

Valero, që duke komentuar zgjedhjen e Sampaolit deklaroi: "Lënia jashtë e Mauros më habit, por edhe në këtë sport, paragjykimet marrin një peshë të madhe dhe duke bllokuar dikë, i hapin rrugën dikujt tjetër. Nëse Argjentina nuk thërret një si Ikardi, më keq për ta... "