Kukësi, prapaskenat me Lilajn
Korçari nuk ka në plan të ulë pretendimet, megjithatë vendimi varet nga KAS-i dhe Palermo
Kukësi ka nisur të mendojë për Ku pat e Europës. Drejtuesit janë më shumë se vigjilentë sa i përket merkatos. Veç tregut të huaj, vëmendja është përqendruar edhe në tregun shqiptar. Dëshira më e madhe mbetet Sabjen Lilaj. Mesfushori i Skënderbeut, i cili ka luajtur për disa takime si i huazuar me verilindorët në Europë (në sezonin 2016-2017), është prioritet. Klubi shpreson që të marrë pjesë në Champions Ligë dhe nëse kjo ndodh, një mesfushor me eksperiencë si ai do t'i bënte mjaft punë. Gazeta mëson se Kukësi i ka bërë ofertë konkrete 29-vjeçarit gjatë takimit më të fundit. Ata janë gati që t'i japin rrogë mujore që shkon deri në 8 mijë euro në muaj. Por, Lilaj ka kërkuar plot 13 mijë euro në muaj, aq sa merr në Korçë. Mesfushori është i prerë me të vetën dhe nuk ka në plan që të ul pretendimet financiare. Megjithatë, duhet thënë që varianti "Kukësi" do të bëhet i vlefshëm vetëm në varësi të vendimit të KAS-it, por edhe prej Palermos që ka interes për korçarin. E në kësi kushtesh, nënkampionët kalojnë në plan të tretë, e ndoshta kërkesa e tij kaq e lartë ka të bëjë më dy faktet e mësipërme. Presidenti sakaq i ka kërkuar drejtorit Nexhipi, që nëse Lilaj nuk ul pretendimet, atëherë ai të shikojë opsion tjetër.
Alternativa - Nëse nuk vjen
Sabien Lilaj, alternativë është Idriz Batha i Partizanit. Mesfushori pëlqehet nga drejtuesit e Kukësit, por do jetë trajneri që do vendosë përfundimisht. Trashi është një dëshirë tjetër e Kukësit. Ata i kanë bërë ofertë mesfushorit të majtë, por kontrata e tij dhe një vit me Partizanin
mbetet problem. Kuksianët kanë hyrë në lojë për gramshiotin, duke parë dhe kontradiktat që ky i fundit ka pasur me drejtuesit. Presidenti Gjici dhe tekniku Pakult kanë dhënë "OK-in" për këtë transferim dhe drejtuesit e merkatos kanë hyrë në tratativa.
Trashi ka zhvilluar disa sezone shumë të mira te Partizani me minuta maksimalisht të luajtura. Gjatë këtij sezoni, 26vjeçari ka shënuar 5 gola në 33 takime.
Sulmi - Sulmi është sektori më problematik te Kukësi, pasi aktualisht Pakult nuk ka asnjë
lojtar për këtë repart. Megjithatë, në këtë repart drejtuesit do mundohen që të mos gabojnë. Rasti më i freskët është ai ishsulmuesit të Kombëtares së Kazakistanit, Rauf Alijev, i cili erdhi me statusin e "yllit", por dështoi gjysmën e parë të sezonit dhe në merkaton e dimrit
u largua. Verilindorët janë nën gjurmët e Robert Ghansah, 23vjeçar ganez të Al Shabab në Oman. Sulmuesi nga Akra ka një potencial të jashtëzakonshëm dhe shihet si pasuesi i denjë i Sindrit Gurit, këtë të paktën pretendojnë drejtuesit e klubit kuksian.