Botërori një fiksim, Mesi në “kundërsulm”
Leo Mesi nuk e konsideron veten si lojtari më i mirë në botë, por thotë se gjithmonë ka dëshirë të arrijë më shumë sesa ajo, me të cilën është kënaqur më parë. Kapiteni i Argjentinës ka dhënë një intervistë për "Paper". Ai tregon admirimin që ka për kafshët dhe thotë se fëmijët e tij mësojnë shumë nga qeni. Sulmuesi i Barcelonës thekson se fitorja e Kampionatit Botëror nuk duhet të shndërrohet në një fiksim për të dhe për Argjentinën, sepse atëherë të gjithë do të kenë shumë presion dhe shanset që ta fitojnë zvogëlohen gjithmonë.
MË I MIRI- "Nuk e konsideroj veten më i miri në botë. Jam thjesht një futbollist më shumë. Në fund të fundit jemi të gjithë njëlloj kur fillojnë ndeshjet, por unë kërkoj që superoj veten". PËRGATITJET- "Është e rëndësishme që të punojmë mirë në këto stërvitje sepse në eliminatore na u desh të luftonim deri në fund për të siguruar kualifikimin. Për më tepër kishim shumë pak kohë për t'u stërvitur". SHANSET- "Kemi shumë mundësi që të bëhemi ekip më i fortë për të qenë kandidatë dhe për të sfiduar të tjerët si Franca, Gjermania, Brazili apo Spanja. Por kemi një grup të mirë dhe kombëtarja e Argjentinës është gjithmonë kandidate. Ne aspirojmë gjithmonë të arrijmë majat dhe do të kërkojmë pak nga pak për të rivalizuar të tjerët në këtë turne".
PASIONI- "Jam i dashuruar me kafshët. Jam rritur me to dhe më kanë mësuar shumë gjëra. Tani në shtëpi kemi qenin tonë, Hulk dhe është pjesë e familjes. Fëmijët e mi mësojnë shumë nga qeni, ai u transmeton dashuri atyre".
RIKTHIMI- "Më duhet ta lija vendin tim kur isha i vogël dhe më mungonin shumë gjëra. Por rikthehem shpesh dhe shpresoj që ndonjë ditë të rikthehem për të jetuar aty.
Mua më lumturojnë shumë gjërat e mira në vendin tim". VËSHTIRËSITË- "Ne argjentinasit kemi qenë gjithmonë të aftë për të kaluar vështirësitë që na dalin përpara. Kemi kapacitet për të qenë bashkë për t'ia dalë në momente të
vështira. Është diçka që e vlerësoj shumë". FITORJA- "Kam mësuar me kalimin e kohës që nuk është mirë që dëshirat e tua të bëhen fiksime. Sepse rritet shumë presioni dhe shanset për t'i bërë realitet janë të vogla".