Pikford portieri titullar i Anglisë në Botëror, Kejn merr numrin 9

Kapiteni i Anglisë, Herri Kejn, do të mbajë fanellën me numrin 9 në Botërorin e Rusisë, Rahim Sterling 10 dhe portieri Xhordan Pikford konfirmohet edhe njëherë si zgjedhje e parë e trajnerit Garet Sauthgejt, pasi i është dhënë numri 1. 32 kombëtaret finaliste të Botërorit Rusi 2018 konfirmuan listat e tyre ditën e djeshme, ndërsa "Tre Luanët" njoftuan edhe numrat që lojtarët e tyre do të mbajnë gjatë turneut. Sauthgejt i ka dhënë numrin 11 Xhemi Vardit, ndërsa Markus Rashford dhe Dele Ali do të mbajnë respektivisht numrat 19 dhe 20. Mbrojtësi i ri, Trent Aleksander-Arnold, do të veshë bluzën me numrin 22. Xhesi Lingard do të mbajë numrin 7, Uellbek 14, Loftus-Çik 21. Në repartin e mbrojtjes, Kajl Uokerit i është dhënë fanella 2, ndërsa ai që parashikohet të jetë titullar për krahun e djathtë, Kieran Tripier, do të mbajë numrin 12. Qendërmbrojtësit Xhon Stons dhe Herri Maguire do të mbajnë

bluzat me numrat 5 dhe 6, e cila lexohet nga disa, si një tregues se ata do të jenë edhe dyshja e qendërmbrojtjes në ndeshjen e parë kundër Tunizisë më 18 qershor. Geri Kejhill, i cili shkëlqeu në miqësoren ndaj Nigerisë, duke u shpallur edhe lojtari më i mirë i ndeshjes, do të mbajë numrin 15,

ndërsa Fill Xhons 16. Erik Daier, që është projektuar të luajë në mesfushën defensive, do të ketë numrin 4, ndërsa ish-kapiteni Xhordan Henderson 8. Tani fokusi i ishullorëve do të jetë ndeshja e fundit miqësore kundër Kosta Rikës në "Elland Road". Pas saj, Anglia do të udhëtojë në bazën

e saj në qytetin e Repinos, shumë pranë Shën Pjetërburgut në Rusi, përpara ndeshjes hapëse të Botërorit, kundër Tunizisë më Vollgograd më 18 qershor. Në 24 qershor, ata do të luajnë në Nizhni Novgorod kundër Panamasë dhe ndaj Belgjikës në Kaliningrad më 28 qershor.