Sane jashtë, Lëv trondit gjermanët

“Leroi nuk u integrua si duhet në skuadër, do të synojmë trofeun e dytë radhazi”

je ishte dita ku trajneri Joahim Lëv do të merrte vendimin përfundimtar të 23 lojtarëve që do të udhëtonin për në Botërorin e Rusisë më 14 qershor. Në orën 11.30 Lëv doli përballë gazetarëve në qendrën ku është grumbulluar kombëtarja. Ai foli për arsyen pse nuk zgjodhi mesfushorin e Mançester Sitit dhe për objektivin e skuadrës në Rusi. Lëv theksoi se gjermanët duhet të synojnë fitimin e Kupës së Botës për herë të dytë radhazi. Trajneri është arkitekti i skuadrës gjermane që i ka fillimet e saj në vitin 2006, kur Lëv ishte ndihmësi i Jurgen Klinsamnit, atëherë trajner i "pancerave". Si u zhvillua përzgjedhja? Me siguri që kam pasur ditë më të mira si trajner i kombëtares gjermane. Më duhet të largoj katër lojtarë shumë të mirë që e meritonin të ishin me ne në Botëror. Unë dhe stafi im jemi të vetëdijshëm për cilësitë e tyre. Kam folur me lojtarët që do të largohen dhe më pas me pjesën tjetër të skuadrës. Të katër lojtarët janë shumë të zhgënjyer, por ishte një vendim i ngushtë. Të gjithë luftuan për një vend në skuadër dhe kjo ishte një shenjë e mirë. Duhet të shohim dhe anën pozitive, kemi në skuadër shumë variacione.

Çfarë mund të na thoni për Nojer?

Ai na konfirmoi se është 100 për qind i gatshëm dhe nuk kishte probleme me këmbën e tij. Ndeshja me Austrinë na tregoi që atij mund t'i besohet. Ishte mirë që ndeshja u luajt edhe pse kishim disa vështirësi me kohën e keqe. Të dielën bëmë edhe një analizë MRT dhe aty pamë që çdo gjë është në rregull.

Jeni gati për Botëror? Tani shkojmë drejt Rusisë, skuadra është e plotë. Kam parë që lojtarët janë pak të lodhur nga këto 14 seancat e stërvitjes. Prandaj vendosëm që sot (dje) skuadra të qëndrojë pushim dhe të rigjenerojë energjitë. Ndeshja me

Austrinë na tregoi që duhet të punojmë intensivisht në stërvitje në disa gjëra. Kam besim se do t'ia dalim të jemi në formë kur të vijë ndeshja me Meksikën. Do të jemi gati.

Pse nuk u grumbullua Sane?

Ishte një vendim i ngushtë

mes atij dhe Julian Brandt dhe ne vendosëm për Brandt. Ishte njësoj si një garë 100m kur Sane humbi në fotofinish. Por, Leroi ka një talent të padiskutueshëm. Ai do të rikthehet me ne në shtator. Në ndeshjet që luajti me ne nuk u përshtat siç duhet,

duke mos u integruar në skemat e skuadrës.

Kush është objektivi juaj? Mund të arrijmë diçka të jashtëzakonshme dhe historike. Jemi kampion bote në fuqi dhe kemi fituar kupën e konfederatave. Tani mund të fitojmë sërish Kupën e

Botës, gjë që s'ka ndodhur asnjëherë më parë. Objektivi për ne është i qartë, të fitojmë trofeun në fund. Por, që ta arrijmë këtë duhet të luajmë më mirë seç kemi bërë në 2014 në Brazil. Dhe për këtë na nevojitet një përgatitje më e mirë.