Prezantohet trajneri i ri, Luftëtari zbret sot në fushë

Milos Kostiç nis aventurën me gjirokastritët

Në Gjirokastër nis epoka e sllovenit Milos Kostiç. Ashtu siç kishte paralajmëruar "Panorama Sport", klubi i Luftëtarit ka prezantuar dje trajnerin e ri, i cili ka firmosur një kontratë 3- vjeçare. Klauzola e vendosur nga klubi, që duhet të mbyllë kampionatin më poshtë se vendi i tretë, është pranuar nga slloveni. 46vjeçari Kostiç mbërriti në qytetin e gurtë që të hënën dhe, pasi diskutoi detajet e fundit të kontratës, tashmë është gati të zbresë në fushë. Sot në orën 18:00 futbollistët janë njoftuar të paraqiten në ambientet e stadiumit "Gjirokastra", nga ku do të bëhet prezantimi i trajnerit të ri para skuadrës. Pritet që fillimisht slloveni të dalë para mediave lokale në një konferencë për shtyp, duke iu përgjigjur pyetjeve të gazetarëve. Gjasat janë që në këtë konferencë të jetë edhe presidenti Grigor Tavo, i cili ende nuk ka folur për këtë zgjedhje në pankinë, në një kohë që befas u largua trajneri që udhëhoqi ekipin në Europë, Hasan Lika. Në stërvitjen e parë që do të zhvillohet sot pritet të marrin pjesë rreth 20 lojtarë. Nga skuadra që mbylli sezonin, klubi ka konfirmuar të larguar emra si Kristos Athanasopulos, Kri-

stal Abazaj, Dejvi Bregu, Bruno Toledo, Orjad Beqiri, Marko Aurelio, Kristo Minga, Eri Lamçja dhe Stivian Janku. I konfirmuar si afrim është mesfushori pogradecar, Jugers Liçkollari, i cili firmosi një parakontratë në muajin janar. Ndërkohë, nga akademia do t'u jepet një shans emrave si Aristotel Bellai, Ardit Ziaji dhe Sebastian

Molla. Sa u përket të konfirmuarve për Europën janë portieri Shkëlzen Ruçi, mbrojtësit Ivan Jakovljeviç, Lejdi Liçaj, Oltion Rapa, Xhekson Ferreira dhe Aurel Demo, mesfushorët Behar Ramadani, Albano Aleksi, Eduard Rroca e Donald Rapo, si dhe sulmuesi Vasil Shkurtaj, të cilët janë nën kontratë edhe për një sezon. Tomor Shehu